Brent ապրանքանիշի նավթի գինը 2015-ի հոկտեմբերի 12-ից ի վեր առաջին անգամ գերազանցել է 52 դոլարի նիշը

Brent ապրանքանիշի նավթի ֆյուչրսի գինը` 2016-ի օգոստոսին մատակարարմամբ Լոնդոնի ICE բորսայում բարձրացել է 1,1 տոկոսով` 2015-ի հոկտեմբերի 12-ից ի վեր առաջին անգամ հասնելով մինչեւ մեկ բարելի դիմաց 52,01 դոլարի, հայտնում է ՏԱՍՍ-ը:

Ռուսաստանյան արժույթն աննշան կերպով ամրապնդվել է նավթի գների աճի ֆոնին: Այսպես, դոլարը ռուբլու նկատմամբ նվազել է 0,3 տոկոսով, մինչեւ 64,4 ռուբլի, եվրոն` 0,2 տոկոսով` մինչեւ 73,2 ռուբլի: