Քենիայում զանգվածային հոսանքազրկման պատճառը կապիկն է եղել

Քենիայում հունիսի 7-ին զանգվածային հոսանքազրկման պատճառը կապիկն է եղել, հայտնում է Reuters-ը:
«Կապիկը բարձրացել էր «Ջիթարու» էլեկտրակայանի տանիքը եւ ընկել տրանսֆորմատորի վրա, ինչն էլ բերել էր հոսանքազրկման: Դրա պատճառով ծանրաբեռնվել էին ՀԷԿ-ի մյուս սարքավորումները, եւ ավելի քան 180 ՄՎտ էներգիա էր կորել, ինչն էլ զանգվածային հոսանքազրկման պատճառ էր դարձել»,- մեջբերում է գործակալությունը Kenya Electricity Generating Company էներգետիկ ընկերության հայտարարությունը:

Ընկերությունից հայտնել են, որ կենդանիներից պաշտպանվելու համար բոլոր օբյեկտները պատնեշված են, եւ ցավում են այդ միակ եւ բացառիկ դեպքի համար:

Նշենք, որ նախօրեին Քենիայի ամբողջ տարածքում դադարեցվել էին էլեկտրաէներգիայի մատակարարումները: