Ուժգին քամու հետևանքով վնասվել են հոսանքի հաղորդալարեր և գազատար խողովակներ. ստացվել է 40 ահազանգ
Արմավիրի մարզում մայիսի 23-ին ժամը 15:00-15:20-ի սահմաններում գրանցվել է ուժեղ քամի` 23մ/վ, Աշտարակում՝ 13-20մ/վ, Երևանում՝ 8-20մ/վ արագությամբ: Ըստ կանխատեսումների` քամին հնարավոր է շարունակվի ևս 2 ժամ: Այս մասին տեղեկացրին ՀՀ արտակարգ իրավիճակների նախարարությունից:
Այս պահի դրությամբ` ՀՀ ԱԻՆ Ճգնաժամային կառավարման ազգային կենտրոնում ուժեղ քամու հետ կապված ահազանգերի թիվն անցնում է 40-ից: Առկա են տանիքից պոկված թիթեղներ, կոտրված ու արմատախիլ ծառեր, որոնց արդյունքում ճանապարհներին առաջացել են արգելափակումներ: Քամու հետևանքով վնասվել են հոսանքի հաղորդալարեր և գազատար խողովակներ: Գրանցվել է նաև տան և ավտոտնակի հրդեհ:
ՀՀ ԱԻ նախարարությունը սպասարկում է բոլոր ահազանգերը: Իրավիճակը գտնվում է նախարարության հսկողության ներքո:
ՀՀ ԱԻ նախարարությունը քաղաքացիներին խորհուրդ է տալիս առաջիկա ժամերին մնալ շինությունների ներսում: Իրավիճակի վերաբերյալ կտեղեկացնենք հաջորդիվ:
Այս թեմայով
Կրակել են բնապահպան ակտիվիստ Թեհմինե Ենոքյանի տան վրա
Ահազանգ․ կարմիրգրքյան տրիտոնների վաճառք՝ Երևանի շուկաներից մեկում (ֆոտո)
Ահազանգ․ սարսափահար գիշատիչ թռչունը՝ Քանաքեռի տներից մեկում (տեսանյութ)
«Վնասակար գիտություն»․ հայ գիտնականները դեմ են ամբողջ աշխարհին
Ահազանգ․ ամբողջ գյուղն ուրախ-զվարթ մասնակցել է արյունալի շնամարտի (տեսանյութ)
