Ավտոմեքենայի բեռնախցիկում շուրջ 500 հատ սիգ է հայտնաբերվել

ԲԸՏՄ–ն հայտնել է, որ Բնապահպանության և ընդերքի տեսչական մարմնի Գեղարքունիքի տարածքային բաժնի աշխատակիցները Ոստիկանությունից ստացված գրության հիմա վրա Ա.Ս-ի ավտոմեքենայի բեռնախցիկում հայտնաբերված 450 հատ, ընդհանուր քաշով 154կգ սիգ տեսակի ձկան փաստով հաշվարկել են շրջակա միջավայրին հասցված վնաս՝ 770.000 ՀՀ դրամի չափով:

Գործի նյութերն ուղարկվել են Ոստիկանության Գեղարքունիքի մարզային վարչության Սևանի բաժին:

Հիշեցնենք, որ սիգ ձկնատեսակի ձվադրության ժամանակահատվածով պայմանավորված սույն թվականի դեկտեմբերի 1-ից ավարտվել է Սևանա լճում արդյունագործական ձկնորսության որսաշրջանը: