Կանխվել է ապօրինի որսված կարմիրգրքյան կենդանու վաճառքը
Բնապահպանության և ընդերքի տեսչական մարմնի կենդանական աշխարհի վերահսկողության բաժնի ու ՀՀ ոստիկանության Թալինի բաժնի աշխատակիցների համագործակցության արդյունքում հուլիսի 7-ին հայտնաբերվել և արձանագրվել է ՀՀ Կարմիր գրքում գրանցված կենդանու ապօրինի որսի 1 դեպք։
ՀՀ Շիրակի մարզի Լանջիկ գյուղի բնակիչ Մ.Պ-ն նույն գյուղի հարակից դաշտից որսացել և համացանցի միջոցով փորձել էր կազմակերպել ՀՀ Կարմիր գրքում գրանցված «Խայտաքիս» տեսակի կենդանու վաճառքը, որը կանխվել է։
Օպերատիվ աշխատանքների արդյունքում կենդանին հայտնաբերվել և առգրավվել է: Հարուցվել է վարչական վարույթ՝ կկիրառվեն պատասխանատվության միջոցներ։
Այս թեմայով
Ապօրինաբար փորձել են սևահող տեղափոխել
Վայրի խոզն ընկել է որսագողության մետաղական լարանում (ֆոտո)
10-ից ավելի մեքենա է հայտնաբերվել՝ տարբեր ծավալի ապօրինի փայտանյութով (տեսանյութ)
Մեքենայի մեջ արծվի նմանվող սպանված թռչուն և կզաքիս են հայտնաբերել (տեսանյութ)
Հաշվարկվել է 5.302.860 ՀՀ դրամի չափով շրջակա միջավայրին հասցված վնաս
