«Երևանի կենդանաբանական այգում բեզոարյան այծերից մեկը հայտնաբերվել է սատկած վիճակում»
Երևանի կենդանաբանական այգում շարունակվում են ցավալի դեպքեր գրանցվել: Այգու պաշտոնական ֆեյսբուքյան էջում ասվում է. «Պատահարներն ու անցանկալի իրադարձությունները համառորեն չեն լքում մեզ վերջին շրջանում:
Թունավորման հետևանքով զեբրի անկման, մյուս կենդանիների անկման հետ կապված ցավալի դեպքերի՝ դեռևս իրավապահների կողմից չպարզված հանգամանքների ֆոնին, այսօր առավոտյան դժբախտ դեպք է տեղի ունեցել նաև բեզոարյան այծերից մեկի հետ: Վերջինս հայտնաբերվել է սատկած վիճակում:
Բեզոարյան այծի այս առանձնյակը երկուշաբթի օրը հայտնվել էր իր ազատավանդակից և Կենդանաբանական այգու սահմաններից դուրս, սակայն այգու աշխատակիցների ջանքերով նորից վերադարձել էր այնտեղ:
Կենդանին այդ ազատավանդակում բնակվում էր 2013 թվականից՝ ծնվելու օրվանից: Թե ի՞նչն է դարձել պատճառ, որ կենդանին փախնի տարածքից, ինչպես նաև՝ կենդանու անկման պատճառը, հանգամանալից ուսումնասիրությունը կպարզի:
Փաստ է սակայն, որ վերջին շրջանում այգու շուրջ ծավալված իրադարձությունները շարունակվում են, և անհնար է դրանցում չնկատել հետևողականություն և ցանկալիին հասնելու պայքար»:
Նշվում է նաև, որ կենդանաբանական այգում այժմ կա 12 բեզոարյան այծ, որոնցից երեքը այս տարի են ծնվել և մեր այգում:
Այս թեմայով
Հայաստանի ջրային ռեսուրսները խնայելու 4 առաջարկ
Անվճար էկոճամբար՝ սահմանամերձ համայնքների երեխաների համար
Տեղի կունենա «Կլիմայական գամբիթ 2023» արագ շախմատի մրցաշարը
Վայրի խոզն ընկել է որսագողության մետաղական լարանում (ֆոտո)
«Վայրի առևտուր» ֆիլմը ցուցադրվել է Կենդանիների իրավունքների միջազգային հավաքի ընթացքում
