Գնդեվազ համայնքի բնակիչները կրկին փակել են Ամուլսար գնացող ճանապարհը (տեսանյութ)
Այսօր՝ մայիսի 19-ին, գնդեվազցիները փակել են Ամուլսար գնացող ճանապարհը: Մարդիկ իրենց բողոքն են հայտնում իրենց գյուղին հասցված վնասներից։ Տեղացիները պնդում են, որ արդեն երկու անգամ վնասվել է Գնդեվազ համայնքի խմելու ջրատար խողովակները, իսկ անձրևային սեզոնին ծորակներից մուգ դարչնագույն հեղուկ է հոսում:
Նշենք նաև, որ մայիսի 15-ին ողբերգական ավտովթար է տեղի ունեցել նշված ճանապարկի վրա: Ժամը 15:40-ի սահմանում Երևան-Մեղրի ավտոճանապարհի՝ Վայքից դեպի Ջերմուկ ճանապարհահատվածի Գնդեվազ գյուղի վարչական տարածքում, բախվել են Ջերմուկ քաղաքի բնակիչ, 23-ամյա Անտոն Առաքելյանի վարած «Օփել» մակնիշի և Երևանի բնակիչ, 32-ամյա Սարո Սահակյանի վարած «ԿամԱզ» մակնիշի ավտոմեքենաները: Վթարի հետևանքով Opel-ի ուղևորուհին տեղում մահացել է, իսկ վարորդը մարմնական վնասվածքներով տեղափոխվել է Վայքի բժշկական կենտրոն:
Ըստ որոշ տեղեկությունների, «ԿամԱզ» մակնիշի ավտոմեքենան Ամուլսարի ոսկու հանքի շահագործման ծրագրի մատակարարներից է:
Այս թեմայով
Ազոտի երկօքսիդի տարեկան միջին կոնցենտրացիայի փոփոխությունը՝ Երևանում
Ապօրինաբար փորձել են սևահող տեղափոխել
Ահազանգ․ Երևանի կենտրոնում հաստաբուն ծառ են կտրել (ֆոտո)
Փոշեփոթորիկ Երևանում․ օդում փոշու կոնցենտրացիան հսկայական ծավալների է հասնում
Հաշվարկվում է Ջերմուկում բնությանը հասցված վնասի չափը
