Հարձակում՝ «Պարզ Լիճ» հենակետի վրա
Այս գիշեր ևս մեկ հարձակում է տեղի ունեցել «Դիլիջան» ազգային պարկում պահնորդական ծառայություն իրականացնող «Պանտեռա Սիքյուրիթի» ընկերության հենակետի վրա: Այս մասին տեղեկացնում է ընկերության պաշտոնական էջը:
Գրության մեջ ասվում է. «Քիչ առաջ տեղի ունեցավ հերթական հարձակումը «Պանտեռա Սիքյուրիթի»-ի «Պարզ Լիճ» հենակետի վրա։ 2 մեքենայով, որից մեկը կարմիր «Մերսեդես Բենց», իսկ մյուսը` սպիտակ «Նիվա Ուրբան» մակնիշի, մեծ խումբ անսթափ մարդիկ, շրջապատել են հենակետը և ծեծի ենթարկել ծառայությունն իրականացնող պահնորդներին: Նրանք պահանջել լքել «իրենց տարածքը»։ Պահնորդները հասցրել են ահազանգել վերադասին, որն էլ դիմել է ոստիկանությանը։ Ի պատիվ վերջիններիս, արձագանքը շատ օպերատիվ և արագ արձագանք է եղել: Հաշված րոպեների ընթացքում ոստիկանները ժամանել դեպքի վայր։ Սկսվել է քննություն և օպերատիվ գործողություններ։
Այս գործողությունը միայն մեկ կերպ կարելի է բնորոշել. հարձակում է մեր պետականության վրա: Այս անգամ ևս ԳՈՂԸ ուզում է ուժով և պարտադրաբար ստիպել մեզ՝ նահանջել մեր բռնած ազնիվ ուղուց»։
Նշենք, որ հոկտեմբերի 13-ին մի խումբ անձիք հրդեհել էին «Դիլիջան» ազգային պարկի Շամախյան տեղամասի ուղեփակոցներից մեկը:
Այս թեմայով
Մասնագետների դաշինքը քննարկում է Հայաստանի անտառների վերականգնման խնդիրը
Այն մասին, թե ինչպես են անտառները մեզ փրկում...
Սևանի տարածքից 10-յակից ավել ապօրինի խեցգետնաորսիչներ են դուրս բերվել
Ինչպես են Դիլիջան ազգային պարկում ծառեր «սպանում» (տեսանյութ)
Ահազանգ․ Երևանի կենտրոնում հաստաբուն ծառ են կտրել (ֆոտո)
