Որսով զբաղվում են պաշտոնյաները կամ գումար ունեցողները. WWF հայաստանյան գրասենյակի ղեկավար (տեսանյութ)
![](https://econews.am/disk/23-06-17/5e43a3ff05c8487505a2975103f223e4.jpg)
Բնության համաշխարհային հիմնադրամի հայաստանյան գրասենյակի մասնակցությամբ կազմակերպված «Հարավային Կովկասում էկոլոգիական միջանցքների ստեղծման աջակցություն» տարածաշրջանային ծրագրի շրջանակներում լրագրողական խումբն այցելեց Գնիշիկ պահպանվող լանդշաֆտ:
Գնիշիկ պահպանվող լանդշաֆտն այժմ մնացել է առանց Գնիշիկ համայնքի. գյուղապետ Արա Լևոնյանը ետ է վերցրել համայնքին պատկանող տարածքները:
Ի դեպ, վերջերս պահպանվող լանդշաֆտի տեսուչներից մեկին ոստիկանները ձերբակալեցին ձկնագողության կասկածանքով: Նա ենթարկվեց վարչական տույժի: Այս միջադեպի իսկությունը ոչ ոք չէր հերքում, իսկ ոմանք անգամ չէին զարմանում, թե ինչո՞ւ է անտառապահը ձկնագողությամբ զբաղվում:
Բնասերները պնդում են նաև, որ ԳՊԼ տարածքում որոշ պաշտոնյաներ որս են անում, իսկ ոմանք էլ ասում են՝ ԳՊԼ-ի հետ կապված «Սաֆարի ինթերնեյշնլ» է այդ տարածքում գումարի դիմաց որս կազմակերպում:
Ինչևէ, WWF-ի ջանքերով համայնքներում շատ բարեփոխումներ են կատարվել՝ նոր գրասենյակային և գյուղտեխնիկա, առաջիկայում՝ շամպայնի գործարան, լանդշաֆտի այցելուների համար նոր հյուրատուն և այլն: Սակայն այն, որ այստեղ բազմաթիվ մութ անկյուններ կան ևս անժխտելի է:
Այս թեմայով
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/19-09-22/12eeb5ea55320cc39d5e5f7a8687be8c.jpg&w=300&h=200)
![](/timthumb.php?src=http://econews.am/disk/24-08-22/3639bc5f877a3013b950bd8ef05ca4bc.jpg&w=300&h=200)
![](/timthumb.php?src=http://econews.am/disk/02-07-22/6347730953f6a137d2c81079cb7f0b8e.jpg&w=300&h=200)