Մաքրված արագիլը հաջողությամբ թռիչք է իրականացնում ՀՀ տարածքում
![](https://econews.am/disk/30-10-21/624b913ab2bdf5c0a11981c5ea137c04.jpg)
![](https://econews.am/disk/30-10-21/73d3252d60134563d3c9bfbb19c81fca.jpg)
Մաքրված փետրածածկով նշադրված արագիլը հաջողությամբ թռիչք է իրականացնում ՀՀ տարածքում: Առանձնյակը բաց թողնման վայրից հեռացել է 10 կիլոմետր դեպի արևմուտք և շարունակում է իր թռիչքը: Այս մասին տեղեկացնում է Գերմանիայի Բնության Պահպանության Միության (NABU) հայաստանյան մասնաճյուղը։
NABU պաշտոնական էջը գրել է․ «NABU հայաստանյան մասնաճյուղի թիմը շարունակում է հետևել մաքրված փետրածածկով նշադրված առանձնյակին՝ հասկանալու համար նրա թռիչքի հաջողության տեմպերը: Հուսով ենք, որ Արարատյան դաշտում էկոլոգիական աղետի հետքերը չեն խանգարի նրան բարեհաջող չվել ձմեռման վայր, այնուհետև՝ վերադառնալ բնադրման գոտի:
Մենք կշարունակենք տեղեկացնել Ձեզ հետագա զարգացումների մասին:
Հիշեցնենք, որ Երևանի կենդանաբանական այգի տեղափոխված մի շարք արագիլների աղտոտված փետրածածկի մաքրումն իրականացվել է կամավորների, Երևանի կենդանաբանական այգու և NABU հայաստանյան մասնաճյուղի աշխատակիցների ջանքերով, ինչից հետո նրանք բաց են թողնվել վայրի բնություն:
Հետազոտություններն իրականացվում են «Արարատյան դաշտում Սպիտակ արագիլների էկոլոգիայի ուսումնասիրություն» ծրագրի շրջանականերում»:
Այս թեմայով
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=http://econews.am/disk/26-09-22/a046f19cad241965f1e1f74bfce00a8a.jpg&w=300&h=200)
![](/timthumb.php?src=http://econews.am/disk/19-09-22/12eeb5ea55320cc39d5e5f7a8687be8c.jpg&w=300&h=200)
![](/timthumb.php?src=http://econews.am/disk/25-07-22/8028fd68a0c74d247b9eda5d9deba346.jpg&w=300&h=200)
![](/timthumb.php?src=http://econews.am/disk/14-07-22/7ece4c8c45c74332627d9a5a3fee59f3.jpg&w=300&h=200)