Հայաստանի ձկների ֆաունայի համար նոր տեսակ է հայտնաբերվել
![](https://econews.am/disk/31-08-21/07c30b3c4354a34d5dadb047103091be.jpg)
![](https://econews.am/disk/31-08-21/df20fa1255ada77c11dd576c3c353e8f.jpg)
![](https://econews.am/disk/31-08-21/c3480a4cccc9be52fd3352e43746356b.jpg)
«Michael Otto» բնապահպանական ֆոնդի ֆինանսավորմամբ իրականացվող «Ջրաճահճային տարածքների պահպանություն Արաքսի հովտում՝ համայնքային ներգրավվածությամբ» ծրագրի շրջանակներում Արարատի և Արմավիրի մարզում կատավող սողունաբանական և ձկնաբանական հետազոտություններն աստիճանաբար մոտենում են իրենց ավարտին:
Այս մասին տեղեկանում ենք Գերմանիայի Բնության Պահպանության Միության (NABU) հայաստանյան մասնաճյուղից: Հաղորդագրությամբ ասվում է՝ հետազոտական աշխատանքներն իրականացվել են Արարատ և Արմավիր մարզերի մի քանի ջրաճահճային տարածքներում, ինչպիսիք են Հրազդան և Մեծամոր գետերը, տարածքում առկա ջրատարները, լճակները: Եռամսյա ուսումնասիրության արդյունքում հաջողվել է գրանցել 20 ձկնատեսակ: Կարևոր է նշել, որ այս շրջանում մասնագետներին հաջողվել է հայտնաբերել Հայաստանի ձկների ֆաունայի համար նոր տեսակ (Rhinogobius lindbergi), որը նախկինում մեր երկրում նկարագրված չի եղել: Այս մասին լրացուցիչ կներկայացնենք հետագայում: Բացի այդ, նկարագրված 20 տեսակներից մեկը՝ Հայկական կարմրակնը, գրանցված է ՀՀ Կարմիր գրքում որպես «Վտանգված» տեսակ, բացի այդ, այն համարվում է Հայաստանի էնդեմիկ:
Հայկական կարմակնի համար կարևոր ապրելավայրեր են հանդիսանում Մեծամոր գետը և դրա հետ կապված լճակներն ու ջրանցքները: Ցավոք պետք է նշել նաև, որ այս և մնացած բոլոր ջրային համակարգերը Արարատյան դաշտում գտնվում են անհանգստացնող վիճակում՝ իրենց աղտոտվածության և ջրային ռեժիմի անկանոն փոփոխությունների հետևանքով:
Արարատյան դաշտը համարվում է ամենախոցելի տարածքներից մեկը կլիմայի փոփոխության նկատմամբ, իսկ ջրային ռեսուրսների թույլ կառավարման արդյունքում այս երևույթը կարող է ավելի ակտիվանալ՝ վնասելով տարածքի կենսաբազնազանությանը, ինչպես նաև մարդկանց:
Այս թեմայով
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/30-09-22/9c9d0d5ed7dab59d27cd76d5323738b9.jpg&w=300&h=200)
![](/timthumb.php?src=http://econews.am/disk/30-08-22/3da49850f02c4bb6bb2fc68ef52eb0fe.jpg&w=300&h=200)
![](/timthumb.php?src=http://econews.am/disk/25-07-22/24839bb6dbe4fb98fdcb12a328f021b7.jpg&w=300&h=200)
![](/timthumb.php?src=http://econews.am/disk/25-07-22/8028fd68a0c74d247b9eda5d9deba346.jpg&w=300&h=200)