Առեղծված մնաց «Նահատակ» պոչամբարի ռեկուլտիվացիան․․․ (ֆոտո)
![](https://econews.am/disk/17-05-21/e4a8107e3ecdaa4e411fefcc3e12999a.jpg)
![](https://econews.am/disk/17-05-21/7723070b8a3b46ca06c59ef50ec010c9.jpg)
![](https://econews.am/disk/17-05-21/cf84ba3ba4b1e54df9158b8e8d437d27.jpg)
![](https://econews.am/disk/17-05-21/31e4c64588856601272430cf6f17303d.jpg)
![](https://econews.am/disk/17-05-21/9e7dff9f5fe591163225fef046333891.jpg)
«SOS Ալավերդի» նախաձեռնության անդամ Օլեգ Դուլգարյանը գրել է «Նահատակ» պոչամբարի մասին․ «առեղծվածային մնաց «Նահատակ» պոչամբարի ռեկուլտիվացիան,
1. Այն ներկա պահին «Ռեկուլտիվացվում» է և շահագործվում միաժամանակ, այն ինչ ՀՀ շրջակա միջավայրի նախարարությունը և ռեկուլտիվացման նախագիծը կազմող ընկերությունը պնդում են, որ ռեկուլտիվացումը և միաժամանակ շահագործումը անհամատեղելի են և վտանգավոր պոչամբարի հետագա անվտանգության հեռանկարից ելնելով։
2. Այն «Ռեկուլտիվացվում» է, չունենալով ՇՄԱԳ օրենքով հաստատված նախագիծ։
Նախագծի հաստատման գործընթացը դեռ ընթացքի մեջ է,
Իսկ իրականում, պոչամբարը ոչ թե ռեկուլտիվացվում է այլ մակերեսային տարածքը որոշակիորեն փոքրացվել է, որպեսզի կարողանան բարձրացնել պատնեշները և մեծացնել պոչամբարի պոչանքներով կուտակման ծավալը, այն ավելի երկարատև շահագործելու նպատակով, ինչը կատարվել է և այն շարունակվում է շահագործվել։
Ըստ ընկերության, պոչամբարը երկու տարի հետո ամբողջովին ռեկուլտիվացված է լինելու և դա ընկերությունը ասում է արդեն 6 տարի շարունակ։ Կապ չունի թե դուք երբ կհանդիպեք իրենց, միևնույնն է աելու են երկու տարի, քանզի երկու տարին երբեք չի վերջանում, քանզի ցանկացած օրվան, տարուն հաջորդում է երկու նոր տարի։
Որոշակի աշխատանքներից հետո, պոչանքների թափման խողովակը մի փոքր թաքցրել են, որպեսզի չերևա թե որքան պոչանք է թափվում խողովակից, սակայն այն թափվելով տեսանելի դառնում պոչամբարի մակերեսին գոյացած լճակներով։
Արդյունքում,
1. Պոչամբարի շրջակայքի բնակիչների առողջությանը, գյուղատնտեսությանը, շրջակա միջավայրին շարունակվում է ու շարունակվելու է վնաս պատճառվել, առանց այն վիճակը հիմա էլ կրիտիկական է,
2. Հարցականի տակ է դրված պոչամբարի անվտանգության հարցը, ռեկուլտիվացիայի գործընթացից հետո»:
Այս թեմայով
![](/timthumb.php?src=http://econews.am/disk/09-11-22/3d4a5938f6b5c51ac6f85c10acedc877.jpg&w=300&h=200)
![](/timthumb.php?src=http://econews.am/disk/03-10-22/3ed0cd88a585d0b9063c72d82930f05a.jpg&w=300&h=200)
![](/timthumb.php?src=http://econews.am/disk/28-09-22/670038f86dafd3cc3fe7618aaf9630b1.jpg&w=300&h=200)
![](/timthumb.php?src=http://econews.am/disk/02-09-22/1795dfc7172a5053b9504176d64a50f6.jpg&w=300&h=200)
![](/timthumb.php?src=http://econews.am/disk/02-09-22/7fdef48e91dad8a820115591b12c3b84.jpg&w=300&h=200)