Հայաստանի ամենահազվագյուտ գիշատիչներից մեկը 100 տարի անց նորից հայտնաբերվել է (տեսանյութ)
![](https://econews.am/disk/23-12-20/62e5e973d6cef9eef8ba63868545db3d.jpg)
Կենդանաբան Վասիլ Անանյանը տեսանյութ է հրապարակվել, որում չափազանց հազվագյուտ կատվազգի է նկարահանվել։ «Հայաստանի ամենահազվագյուտ գիշատիչներից մեկը՝ մանուլը 100 տարի հետո նորից հայտնաբերվել է հանրապետությունում»,– գրել է Վասիլ Անանյանը։
«Zoology of the Middle East» ամսագիրը գրել է, որ մանուլը /Otocolobus manul/ հանդիսանում է Կովկասի տարածաշրջանում ամենահազվադեպ հանդիպող կաթնասուններից մեկը։ Վերջին անգամ տեսակը նկատվել է 1920-1930 ական թվականներին Հայաստանի հարավ–արևմտյան շրջանում։ Այս տեսանյութը նկարահանվել է 2020թ․–ի հունվար ամսին Հայաստանի հյուսիս–արևելյան շրջանում։
ՀՀ կենդանիների կարմիր գրքում ասվում է, որ հանրապետության տարածքում, ամենայն հավանականությամբ, տեսակն անհետացել է: Մյուս կողմից, մանուլը լավ հայտնի է իր թաքնվելու ունակությամբ, որի պատճառով նրան դժվար է հայտնաբերել: Տեսակն ընդգրկված է ԲՊՄՄ Կարմիր ցուցակում (ver. 3.1) «Near Threatened» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Տարածաշրջանում անհետացած»` RE:
ԿԳ տվյալների համաձայն՝ հայտնաբերվել է միայն երկու կետերում` Ուրծի լեռնաշղթայում և Մեղրու շրջանում, ընդորում վերջինը` 1935 թ–ին: Հանդիպման հարակից շրջաններն են Ղարաբաղը, Նախիջևանը և գ. Արաքսին հարող Իրանի տարածքները: Պոտենցիալ վտանգ են ներկայացնում որսագողությունը և բիոտոպերի քայքայումը:
Այս թեմայով
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)
![](/timthumb.php?src=http://econews.am/disk/19-09-22/12eeb5ea55320cc39d5e5f7a8687be8c.jpg&w=300&h=200)
![](/timthumb.php?src=http://econews.am/disk/25-07-22/8028fd68a0c74d247b9eda5d9deba346.jpg&w=300&h=200)