«Ինվազիվ բուսատեսակների տարածումը վտանգավոր հետևանքներ կունենա»․ Կլիմայի փոփոխության մասին 4-րդ ազգային հաղորդագրություն
![](https://econews.am/disk/03-09-20/e1bd0983328fbe1aa880b02b1d2db482.jpg)
Կլիմայի փոփոխության մասին 4-րդ ազգային հաղորդագրությունը ներառում է նաև կենսաբազմազանության մասով նախատեսվող փոփոխությունների կանխատեսում։
Հաղորդագրությամբ մասնավորապես ասվում է․ «Կլիմայի փոփոխությունը կբերի կենսաբազմազանության փոփոխությունների: Այն զգալի ազդեցություն կունենա տեսակների ֆենոլոգիական և կենսաէկոլոգիական առանձնահատկությունների, ինչպես նաև տարածվածության վրա, կարող է հանգեցնել ոչ միայն տեղային էնդեմիկների, այլ նաև շատ այլ հազվագյուտ բուսական ու կենդանական տեսակների ոչնչացման:
Կարմիր գրքում ընդգրկված հազվագյուտ 452 բուսատեսակներից 239-ը կանխատեսվող կլիմայի փոփոխության պայմաններում էական փոփոխություն չի կրի, 139-ի համար կլիմայի փոփոխությունը կարող է հանդիսանալ դրական գործոն, նույնիսկ դրանք կարող են ընդլայնել իրենց տարածվածությունը հանրապետության տարածքում, միայն 74 բուսատեսակի (հիմնականում մերձալպյան և ալպյան գոտիների մեզոֆիլ տեսակների) համար կլիմայի փոփոխությունը կարող է հանդիսանալ շատ լուրջ սպառնալիք, ինչի արդյունքում այդ տեսակները կարող են վերանալ կամ վերացման եզրին հայտնվել:
Ընդհանուր առմամբ, տեղի կունենա քսերոֆիտացում, որը կբերի գոյություն ունեցող էկոհամակարգերի կառուցվածքի և տեսակային կազմի նշանակալի փոփոխության։ Բնական էկոհամակարգերին և կենսաբազմազանությանը սպառնացող վտանգների շարքում կարևորագույն տեղ է զբաղեցնում ինվազիվ բուսատեսակների տարածումը: Մասնավորապես, կանխատեսվել է ամբրոզիա օշինդրատերևի (Ambrosia artemisiifolia) տարածման մեծ պոտենցիալ, որը վտանգավոր հետևանքներ կունենա ինչպես բնական էկոհամակարգերի, կենսաբազմազանության, գյուղատնտեսության, այնպես էլ մարդու առողջության վրա»:
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/20-09-23/41517452618bfd89f291ac0f2f4d399a.jpg&w=300&h=200)
![](/timthumb.php?src=https://econews.am/disk/17-07-23/982c1721f392e11c1ca68d1cced6ea43.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)