Ամուլսարի աշխատանքային խմբի կազմի վերաբերյալ կան տարակարծություններ Տիգրան Ավինյանի գրասենյակի հետ. Արթուր Գրիգորյան
Բնապահպանության և ընդերքի տեսչական մարմնի ղեկավար Արթուր Գրիգորյանը նոր տեղեկություններ է հայտնում Ամուլսարի խնդրի շուրջ ձևավորվող աշխատանքային խմբի գործունեության մասին: Վերջինս մասնավորապես հայտնում է.
«Մի քանի update հանքարդյունաբերության ոլորտում
ուսումնասիրություններ իրականացնող աշխատանքային խմբի հարցում և ոչ միայն. հաշվի առնելով, որ այդ խմբի ստեղծման գործընթացում ես ունեմ շատ մեծ ու անմիջական պատասխանատվություն՝ հարկ եմ համարում տեղեկացնել, որ խմբի վերջնական ձևավորման գործընթացը դեռ ավարտին չի հասցվել աշխատանքային խմբի անհատական կազմի վերաբերյալ ՀՀ փոխվարչապետ Տիգրան Ավինյանի գրասենյակի հետ ունեցած որոշակի տարակարծությունների պատճառով: Այս հարցերը այսօր երեկոյան կամ վաղն առավոտյան կքննարկենք՝ Ջերմուկում կազմակերպելով հանրային քննարկում (դեռ Երևանումմ եմ, գուցե այսօր չհասցնենք):
Վաղը Ջերմուկից մեկնելու եմ Կապան՝ այնտեղ ևս մեկ հանրային քննարկում կազմակերպելու համար, որի ընթացքում կխոսենք ոչ միայն աշխատանքային խմբի անհատական կազմին առնչվող հարցերի մասին (Ամուլսարից հետո ուսումնասիրման օբյեկտը Քաջարանն է լինելու), այլև Բնապահպանության և ընդերքի տեսչական մարմնի տարածքային ստորաբաժանման գործունեության արդյունավետության, այդ աշխատանքներում հանրության ավելի լայն ու անմիջական ներգրավմանն առնչվող հարցեր»:
Այս թեմայով
«Գիտությունը համբերատարության կարևորագույն դպրոցներից մեկն է»․ երիտասարդ գիտնական
Ապօրինաբար փորձել են սևահող տեղափոխել
Վայրի խոզն ընկել է որսագողության մետաղական լարանում (ֆոտո)
Հաշվարկվել է 5.302.860 ՀՀ դրամի չափով շրջակա միջավայրին հասցված վնաս
Փոշեփոթորիկ Երևանում․ օդում փոշու կոնցենտրացիան հսկայական ծավալների է հասնում
