Հռոմում անոմալ ցրտեր են, առատ ձյուն է տեղացել
Վերջին շրջանում դիտարկվող անոմալ ցուրտը բերել է հազվագյուտ եղանակային երևույթի առաջացման. Հռոմում առատ ձյուն է տեղացել՝ ծածկելով հանրաճանաչ պատմական հուշարձանները և անտիկ ավերակները: Իտալական ԶԼՄ-ներն ակտիվորեն զգուշացնում էին քաղաքացիներին անխուսափելի «բևեռային ցրտերի» մասին: Եվ իսկապես, օրերս ջերմաչափ սարքերի սլաքը ցույց էր տալիս 0-ից ցածր ջերմաստիճան՝ ամբողջությամբ արդարացնեով տեղի օթերևութաբանների կանխատեսումները:
Իտալիայի մայրաքաղաքում ձյան ծածկույթը 2 ժամում արդեն 3-4 սմ բարձրություն ուներ: Սպասվում է, որ երեքշաբթի օրը ջերմաստիճանը կարող է հասնել մինչև -9 աստիճան C:
Նման իրադարձություն Հռոմում վերջին անգամ գրանցվել է 2012թ.-ին, երբ ընդամենը մեկ երկար տեղացող ձյունն ամբողջությամբ կաթվածահար արեց քաղաքի անցուդարձը: Այդ ժամանակաշրջանում Հռոմում անգամ տաքսի ծառայությունից օգտվել էր խնդիր դարձել: Հնարավոր է, այս անգամ նույնպես իրադարձությունները կրկնվեն: Ամեն դեպքում, իշխանություններն արդեն իսկ հայտարարել են մանկապարտեզների, դպրոցների և համալսարանների փակ լինելու մասին:
