Արմավիրում մեծ քանակությամբ ձուկ է սատկել (տեսանյութ)

Արմավիրի մարզի Արգինա գյուղում արտառոց դեպք է գրանցվել. Ախուրյանի ջրամբարից գյուղի ջրագծում հայտնվել է մեծ քանակությամբ ձուկ, որոնք այնուհետև, կարծես չտեղավորվելով ջրում, հայտնվել են ցամաքում։

Հարակից գյուղերի բնակիչները տակառներով ձուկը հավաքում են, սակայն ոչ ամբողջը, որովհետև, ձկների քանակը չափից ավելի շատ է: Ձկների մի մասը սատկել է:

Նշենք նաև, որ Ջրային տնտեսության պետական կոմիտեից հաղորդեցին, որ Արմավիրի մարզի Արգինա գյուղի ոռոգման համակարգում հայտնված բազմաթիվ ձկները Ախուրյան գետից են։ Գետը սնվում է Ախուրյանի ջրամբարից, որտեղ վերջերս գերջրառի պատճառով բազմաթիվ ձկներ թթվածնային քաղցի էին ենթարկվել։ Գյուղից հայտնում են, որ արգինցիները ոչ լռիվ ձուկն են հավաքել ու հիմա էնտեղ շատ սատկած ձկներ կան։