ԱՄՆ-ում շուրջ 500 մարդ ջրհեղեղի հետևանքով արգելափակվել են առևտրի կենտրոնում

ԱՄՆ Արևմտյան Վիրջինիա նահանգի Էլքվյու քաղաքում շուրջ 500 մարդ արգելափակվել են առևտրի կենտրոնում, հայտնում է Weather պորտալը:

Պորտալի տեղեկատվությամբ` կենտրոնի շենք տանող կամուրջը հեղեղից քանդվել է, որի հետևանքով հարյուրավոր այցելուներ մնացել են արգելափակված:

Ներկայումս փրկարարները չգիտեն, թե ինչպես շենքից դուրս բերեն մարդկանց: Դիտարկվում է ժամանակավոր կամուրջի կիրառման հնարավորությունները:

Նահանգում հորդառատ անձրևները սկսվել են հինգշաբթի: Ներկայումս տարերային աղետի հետևանքով զոհվել է 7 մարդ: Վիրջինիա և Հարավային Վիրջինիա նահանգներում հայտարարված է արտակարգ դրություն: