Հայտնաբերվել է Արեգակնային համակարգի ամենախորը կիրճը

Պլուտոնի ամենամեծ արբանյակի՝ Հարոնի վրա աստղագետները հայտնաբերել են հսկայական կիրճ, որը հետազոտողների կարծիքով՝ Արեգակնային համակարգում հայտնի կիրճերից ամենախորն է: Այս մասին հայտնում է RIA Novosti-ն:

Կիրճի երկարությունը հասնում է 700 կմ-ի, խորությունը՝ 9 կմ-ի՝ հայտնել է NASA-ն: Օբյեկտի պատկերը ստացվել է New Horizons կայանի օգնությամբ՝ Հարոնից 466 հազար կմ հեռավորությունից: