Մեկ տարի առաջ Թբիլիսիում տեղի ունեցած ջրհեղեղը՝ լուսանկարներում

Sputnik լրատվական գործակալության փոխանցմամբ՝ 2015 թվականի հունիսի 13-ի լույս 14-ի գիշերը Թբիլիսիի արվարձանում գրանցված տեղատարափ անձրևների ու սողանքի պատճառով մինչ այդ անմեղ թվացող Վերե գետը դուրս եկավ ափերից ու հեղեղեց վրացական մայրաքաղաքի կենտրոնը:

Գործակալությունը լուսանկարներում ներկայացրել է ջրհեղեղի հետևանքները: Ջրհեղեղի հետևանքով մահացան մարդիկ, ջուրը քշեց-տարավ տասնյակ մեքենաներ, տուժած շրջանների մի մասը մնաց առանց տանիքի, ավերվեց Թբիլիսիի կենդանաբանական այգին, որի կենդանիների մի մասը խեղդվեց, իսկ մյուս մասը հայտնվեց ազատության մեջ: