Հայաստանում արտադրված բանջարեղենը մեծ պահանջարկ ունի ՌԴ-ում. ռուս պաշտոնյա
Հայաստանում արտադրված բանջարեղենը մեծ պահանջարկ ունի ՌԴ-ում: Այս մասին ՀՀ Տնտեսական մրցակցության պաշտպանության պետական հանձնաժողովի նախագահ Արտակ Շաբոյանի հետ հանդիպման ժամանակ նշել է Հայաստանում ՌԴ առեւտրային ներկայացուցիչ Անդրեյ Բաբկոն:
ՏՄՊՊՀ-ից NEWS.am-ին հայտնում են, որ Ա. Բաբկոն ՏՄՊՊՀ նախագահին խնդրել է, որպեսզի Հանձնաժողովը ուսումնասիրություն իրականացնի ՀՀ ջերմոցային տնտեսության ոլորտում: Ըստ պաշտոնյայի, քանի որ ՌԴ կառավարության աջակցությամբ Հայաստանում գործում է ջերմոցաշինության խթանման ծրագիր, ապա այս տեսանկյունից խնդիրը արդիական եւ կարեւոր է՝ հասկանալու, թե ինչպիսի մրցակցային իրավիճակ է այս ոլորտում:
Ա. Բաբկոն նշել է, որ Հայաստանում արտադրված բանջարեղենը մեծ պահանջարկ ունի ՌԴ-ում, այդ իսկ պատճառով իրենց կողմից ծրագրի լիարժեք եւ բարեհաջող իրագործումը խիստ կարեւորվում է:
Ի պատասխան Ա. Շաբոյանը տեղեկացրել է, որ Հանձնաժողովը պատրաստակամ է ուսումնասիրություն իրականացնելու այս ոլորտում:
Այս թեմայով
Մաքրություն Երևանյան լճում․ «օձերը թաքնված էին ճյուղերի և շշերի կույտի մեջ» (ֆոտո)
«Թուրք խոզերը վնասազերծվել են ռուս սահմանապահների կողմից» (ֆոտո)
«Կարմիր գիծ» հեղինակային ֆիլմն արժանացել է 1-ին մրցանակի (ֆոտո)
«Հաղարծին տեղամաս» մասնաճյուղի ներկայիս և նախկին ղեկավարներին մեղադրանք է առաջադրվել
Ռուս տիեզերագնացը հրապարակել է Սևանա լճի՝ տիեզերքից արված լուսանկարը
