Հայաստանում գյուղատնտեսության համախառն արտադրանքը 2015-ին կազմել է 1 տրլն 2 մլրդ դրամ

Հայաստանում գյուղատնտեսության համախառն արտադրանքը 2015-ին կազմել է 1 տրլն 2 մլրդ դրամ: Այս մասին մայիսի 25-ին՝ խորհրդարանում 2015-ի պետական բյուջեի կատարողականի քննարկման ժամանակ, ասել է գյուղատնտեսության նախարար Սերգո Կարապետյանը:

Նրա խոսքով՝ այդ ծավալը 11.7 տոկոսով ավելին է, քան 2014-ին: Բուսաբուծության ոլորտում 2015-ին համախառն արտադրանքն աճել է 15.2 տոկոսով, իսկ ոռոգելի տարածքները՝ 5.7 տոկոսով: Մշակելի հողերի նպատակային օգտագործման մակարդակը 47 տոկոսից դարձել է 79 տոկոս: