2019թ․-ին ջրառի ավելի քան 25 տոկոսը կորուստ է եղել
Հիդրոօդերևութաբանության և մոնիթորինգի կենտրոնը տեղեկացնում է, որ 2019 թվականին ՀՀ-ում ջրառը կազմել է 2865.4 մլն. մ³, ջրօգտագործումը` 2 123.7 մլն. մ³: Ջրի տրանզիտային կորուստները կազմել են 741.7 մլն. մ³ կամ ջրառի 25.9%-ը:
Ջրօգտագործումն իրականացվել է հետևյալ նպատակներով՝ ոռոգում - 51.6%, ձկնաբուծություն - 35.6%, արտադրական - 6.7%, խմելու - 6.0%, այլ կարիքներ - 0.1%։
2019 թվականին 2000 թվականի համեմատ ջրօգտագործման ծավալներն աճել են 50%-ով, իսկ 2010 թվականի համեմատ՝ 38%-ով: Տվյալների աղբյուր են հանդիսանում է ՀՀ բնապահպանության և ընդերքի տեսչական մարմինը:
