Անտառային կոմիտեի նախագահի պաշտոնակատար է նշանակվել Արուսյակ Սիրադեղյանը

«Հայանտառ» ՊՈԱԿ-ը տեղեկացնում է. «Ղեկավարվելով «Կառավարչական իրավահարաբերությունների կարգավորման մասին» օրենքի 16-րդ հոդվածի 12-րդ մասով, վարչապետի 2018 թվականի հունիսի 11-ի N 745-Լ որոշման հավելվածի 18-րդ կետի 20-րդ ենթակետով, ՇՄ նախարար Էրիկ Գրիգորյանի հրամանով՝ շրջակա միջավայրի նախարարության անտառային կոմիտեի նախագահի պարտականությունների կատարումը 2020 թվականի փետրվարի 5-ից ժամանակավորապես, դրվել է անտառային կոմիտեի նախագահի տեղակալ Արուսյակ Սիրադեղյանի վրա»։

Արուսյակ Սիրադեղյանը ծնվել է 1982 թվականի հոկտեմբերի 30-ին, Երևանում։

Կրթություն

1989 -1999 թթ․ Երևանի Ստ. Զորյանի անվան N 56 միջնակարգ դպրոց

1999-2003 թթ․ Հայկական գյուղատնտեսական ակադեմիայի «Անտառային ճարտարագիտական գործ» բաժին, ճարտարագետ-անտառագետի բակալավրի աստիճան

2005-2007 թթ․ Հայաստանի պետական ագրարային համալսարանի «Անտառ-պարտեզպուրակային տնտեսություն» բաժին, անտառագետի մագիստրոսի աստիճան

Աշխատանքային գործունություն

2004-2014 թթ․ «Հայանտառ» ՊՈԱԿ-ի անտառվերականգնման և անտառապատման բաժին, գլխավոր մասնագետ

2014 թվականից մինչև 2018 թվականի հուլիսի 11-ը «Հայանտառ» ՊՈԱԿ-ի հատուկ պահպանվող տարածքների կառավարման բաժին, գլխավոր մասնագետ

2018 թվականի հուլիսի 11-ին նշանակվել է ԲՆ անտառային կոմիտեի նախագահի տեղակալ

Հեղինակել է երկու գիտական հոդված