Երևանի կենդանաբանական այգին տնօրենի ժամանակավոր պաշտոնակատար ունի
«Կենդանաբանական այգու աշխատակազմին ներկայացրեցի տնօրենի ժամանակավոր պաշտոնակատար Վլադիմիր Սիմոնյանին: Պարոն Սիմոնյանը մինչ այս զբաղեցնում էր այգու փոխտնօրենի պաշտոնը:
Եվս մեկ անգամ շնորհակալություն հայտնեցի նախկին տնօրեն պարոն Խաչատրյանին՝ այս տարիների ընթացքում կատարած մեծածավալ աշխատանքի համար: Վստահ եմ
պարոն Խաչատրյանը իր մասնագիտական փորձով կշարունակի աջակցել այգուն: Մեկ անգամ եւս ընդգծեցի, որ կենդանաբանական այգու մի շարք խնդիրներ հատուկ ուշադրության կենտրոնում են. Մասնավորապես, տարածքի ցանկապատման, այգու անվտանգության ապահովման,այգու աշխատակիցների առողջապահական ապահովագրության հարցերը։
Ի դեպ, Իրանի Իսլամական Հանրապետությունից Հայաստան է հրավիրվել կենդանաբույժ Իման Մեմարիանը, ով առաջիկայում, փաստաթղթային կարգավորումներից և ՀՀ քաղաքացիություն ստանալուց հետո կզբաղեցնի փոխտնօրենի պաշտոնը: Իման Մեմարիանը երկար տարիներ ղեկավարել է Թեհրանի Կենդանաբանական այգին և ունի աշխատանքային մեծ փորձ»,- իր ֆեյսբուքյան էջում գրել է Երևանի քաղաքապետի տեղակալ Տիգրան Վիրաբյանը:
