Առողջապահության նախարարն ու Գեղարքունիքի մարզպետը՝ Սևանա լճում (տեսանյութ)
Առողջապահության նախարար Արսեն Թորոսյանն իր ֆեյսբուքյան էջում տեսանյութ է հրապարակել, թե ինչպես է լողում Սևանա լճում Գեղարքունիքի մարզպետ Իշխան Սաղաթելյանի հետ միասին:
Նշենք, որ օրերս ԱՆ մամուլի ծառայությունը հաղորդագրություն էր տարածել, որտեղ կոչ էր անում քաղաքացիներին չլողալ Սևանա լճում: «Ցիանոբակտերը (cyanobacter) կամ կապտականաչ ջրիմուռները հանդիպում են ողջ աշխարհում` հատկապես չհոսող, սննդարար նյութերով հարուստ ջրերում։ Սրանց որոշ տեսակներ արտադրում են կենդանիների և մարդկանց առողջության վրա բացասաբար անդրադարձող թույներ (տոքսիններ), որոնց ազդեցությանը մարդիկ կարող են ենթարկվել «ծաղկած» ջուրը խմելու, դրանում լողալու կամ անզգուշաբար կուլ տալու հետևանքով»,- ասված է հաղորդագրության մեջ:
