Ամուլսարի ոսկու հանք տանող ճանապարհները փակ են ավելի քան 1 ամիս (տեսանյութ)

Արդեն մեկ ամսից ավել է, ինչ փակ են դեպի Ամուլսարի ոսկու հանք տանող ճանապարհները: Հանքի ճանապարհը փակած Ջերմուկ քաղաքի երիտասարդ բնակիչներից Էդմոնդ Աղաբեկյանը տեսանյութում ներկայացնում է այս օրերին տեղի ունեցած դեպքերի հաջորդականությունը:

Հիշեցնենք, որ վարչապետ Նիկոլ Փաշինյանի որոշմամբ օրերս պետք է ստեղծվի աշխատանքային խումբ, որը կզբաղվի խնդրի ուսումնասիրմամբ: Խմբի ղեկավար է լինելու Բնապահպանության և ընդերքի տեսչական մարմնի ղեկավար Արթուր Գրիգորյանը: 

Իսկ օրեր առաջ, ՀՀ քննչական կոմիտեի ՀԿԳ քննության գլխավոր վարչությունում հարուցվեց քրեական գործ՝ ՀՀ բնապահպանության նախարարության պաշտոնատար անձանց կողմից շրջակա միջավայրի աղտոտման մասին տեղեկությունները դիտավորությամբ թաքցնելու առերևույթ դեպքի առթիվ։