Ինչ է կատարվում Սևանա լճում. տեսչական մարմինն ուսումնասիրում է (տեսանյութ)
EcoNews.am բնապահպանական տեղեկատվական կայքը շարունակում է ահազանգեր ստանալ ՀՀ-ում առկա բնապահպանական խնդիրների մասին: Այսօր համացանցում հայտնվեց տեսանյութ, որը միանգամից գրավեց բնասեր և բնապահպան հասարակության ուշադրությունը:
Քաղաքացիներից մեկը տեսանկարահանել է Սևանա լճի ափամերձ հատվածում ջուրը կանաչ երանգ է ստացել: Քաղաքացին նշում է, որ դեպքն արձանագրվել է Շողակաթ (Շորժա) համայնքի ափին:
Այս երևույթը հաճախ անվանում են լճի «ծաղկել», ինչը կարող է լինել մի շարք հանգամանքների հետևանքով. ջրի մակարդակի իջեցում, եղանակային պայմաններ և այլն:
EcoNews.am բնապահպանական տեղեկատվական կայքը կապ հաստատեց Բնապահպանության և ընդերքի տեսչական մարմնի մամուլի ծառայության հետ, որտեղից տեղեկացրեցին, որ տեսուչներն արդեն ուսումնասիրում են խնդիրը:
Մանրամասների մասին կտեղեկացնենք շուտով:
