Յոթամյա ընձուղտը վախից սատկել է Թայբեյի կենդանաբանական այգում
Յոթամյա ընձուղտը վախից սատկել է, երբ նրան տեղափոխելիս են եղել Թայվանի կենդանաբանական այգուց: Այս մասին գրում է Daily Mail-ը:
Դեպքը տեղի է ունեցել Թայբեյի կենդանաբանական այգում, երբ կենդանաբանները որոշել են ընձուղտին տեղափոխել այլ մասնավոր կենդանաբանական այգի, որտեղ ընձուղտի համար զույգ է ընտրված եղել: Երբ սկսել են կենդանու տեղափոխումը բեռնարկղով, նա սկսել է խփվել պատերին, մինչև անշարժ ընկել է: Անասնաբույժների խոսքով՝ կենդանին սատկել է թոքերի չգործելու և սրտային անբավարարության պատճառով դեռ նախքան կենդանաբանական այգուց բեռնարկղով բեռնատարի դուրս գալը:
Դիահերձումը ցույց է տվել, որ ընձուղտը թոքաբորբով է տառապել, իսկ «տագնապի զգացումը» շնչառական խնդիրներ է առաջացրել և մկանների վնասում:
Տեղի ունեցածի կապակցությամբ կենդանիների պահպանության հարցերով տեղի ներկայացուցիչները քննադատել են կենդանաբանական այգու աշխատակիցներին և կոչ են արել խստացնել կենդանիներին անազատության մեջ պահելու օրենքները:
Այս թեմայով
«Բունկայի ընկերները»․ 70 000-ից ավելի մարդ կոչ է անում օգնել Երևանի կենդանաբանական այգու փղին (տեսանյութ)
Անբարեխղճության և կենդանիների անկման շղթան Երևանի կենդանաբանական այգում /մաս 3/
«Սոված» կենդանիների հետքերով․․․ /մաս 2/
Մայիսին Կենդանաբանական այգում Գերդային էֆթանազիայի են ենթարկել
Կոռուպցիոն շղթա, թե՞ փրկօղակ․ ի՞նչ է կատարվում Երևանի կենդանաբանական այգում /մաս 1/
