«Ցանկացած անձ պետք է անցնի շրջակա միջավայրի բազմաբովանդակ ընթացքով». WWF-Հայաստանը նշում է 15-ամյակը (տեսանյութ)

Բնության համաշխարհային հիմնադրամի (WWF) հայաստանյան գրասենյակն օրերս նշել է գործունեության 15-ամյակը: 

Միջոցառմանը ներկա են գտնվել Բնապահպանության փոխնախարարներ Այսեր Ղազարյանը, Գնել Սանոսյանը, WWF միջազգային գրասենյակի զարգացման գծով գործադիր տնօրեն Ժան Պոլ Պադդակը, բազմաթիվ այլ հյուրեր: Ներկա էր նաև Բնապահպանության նախկին նախարար, Տնտեսական զարգացման և ներդրումների այժմյան նախարար Արծվիկ Մինասյանը, ով նաև WWF հայաստանյան գրասենյակին պարգևատրեց նախարարության փոքր հուշամեդալով: Արծվիկ Մինասյանն իր խոսքում ընդգծեց. «Ցանկացած հարց հնարավոր է երկխոսելու միջոցով լուծել, բայց ցանկացած անձ պետք է առնվազն գոնե մեկ անգամ անցնի շրջակա միջավայրի այս բազմաբովանդակ ու խորքային ընթացքով: Ես անցել եմ և այդ համոզումը ձևավորվել է իմ մեջ»:

Հայաստանյան գրասենյակի ղեկավար Կարեն Մանվելյանն էլ իր խոսքում կարևորեց աշխատանքների միասնականությունը: «Միասին մենք կարող ենք ամեն ինչ անել»,- եզրափակեց նա:

Մանրամասները՝ տեսանյութում: