Կքննարկվեն գյուղական համայնքներում Էկոտուրիզմի զարգացման հարցերը
![](https://econews.am/disk/15-05-17/b1b008481c330064892b3f8b4a64b119.jpg)
«Հանուն մարդկային կայուն զարգացման» ասոցիացիան ՀՀ Նախագահի աշխատակազմի կողմից ՀԿ-ներին տրամադրվող դրամաշնորհային ծրագրի և Հայաստանի երիտասարդական հիմնադրամի հայտարարած մրցույթի շրջանակներում մայիսի 26-28- ը Ծաղկաձորում կկազմակերպի «Էկոտուրիզմը գյուղական համայնքներում. Հիմնախնդիրները և արդի լուծման ուղիները» խորագրով սեմինար։ Այն նախատեսված է գործող և ուսանող տուրիստական գործակալների, զբոսավարների, էկոտուրիզմի ոլորտի երիտասարդ աշխատակիցների համար:
Ծրագրի նպատակն է խթանել Հայաստանում կայուն տուրիզմի բիզնեսի զարգացման և դեպի նշված ոլորտ ներդրումների հոսքի ակտիվացմանը, նպաստել բնության պահպանվող տարածքների անքակտելի ու կայուն զարգացմանը, խնայողաբար օգտագորմանը, աջակցել գյուղական համայնքների զարգացմանը։
Միջոցառման շրջանակներում կբարձրացվեն էկոտուրիզմի զարգացման հիմնախնդիրները, կտրվեն հնարավոր լուծման ուղիները, և կվերլուծվի համայնք-պահպանվող տարածք-տուրօպերատոր եռակողմ կապը:
Սեմինարի ընթացքում կքննարկվեն մի շարք թեմաներ, այդ թվում՝ «Զբոսաշրջության կառավարման ձևեր և առաջարկություններ», «Գյուղական համայնքի զարգացման մոդելները, առավելություններն ու սահմանափակումները», «Համայնք-գործակալություն համագործակցության հիմնական քայլերը», «Պատմամշակութային վայրեր և կոթողներ, «Առաջարկվող զբոսաշրջության տեսակներ և երթուղիներ» և այլն։
Այս թեմայով
![](/timthumb.php?src=http://econews.am/disk/26-11-22/663dd641b4f4b9308026c1abed836ff1.jpg&w=300&h=200)
![](/timthumb.php?src=http://econews.am/disk/25-07-22/ab769a815945486c4fed49b662a2cbf7.jpg&w=300&h=200)
![](/timthumb.php?src=http://econews.am/disk/15-03-21/b50cea89f5be373dad786c4dd0cd6895.jpg&w=300&h=200)
![](/timthumb.php?src=http://econews.am/disk/04-03-21/a59051c3401afd96d1115ccbb4ac796c.jpg&w=300&h=200)
![](/timthumb.php?src=http://econews.am/disk/04-03-21/b9fa47be638aed1303cd5e48a8271d45.jpg&w=300&h=200)