Որքան զարգանում ու կատարելագործվում են տեխնոլոգիաները, այնքան ավելի շատ է մարդը ձգտում դեպի բնություն
![](https://econews.am/disk/04-02-17/84e5b5b31e4a35295217b086c08ad0df.jpg)
Էկոտուրիզմը կարելի է համարել համեմատաբար նորաթուխ ուղղություն զոբսաշրջության ոլորտում: Վերջինիս զարգացումը պայմանավորված էր առաջին հերթին դեպի բնության համալիրներ, պահպանվող տարածքներ այցելությունների թվի աճով: Նմանատիպ վայրերին հասցվող որևէ վնաս աստիճանաբար սկսեց ստանալ լայն ռեզոնանս և հանդիսանալ հանրային մտահոգության կարևորագույն օբյեկտներից մեկը: Մյուս կողմից տուրիզմի զարգացումն ինքնին կարող է ֆինանսական միջոցների աղբյուր լինել հենց բնությունը պահպանելու և հասցվող վնասներից այն պաշտպանելու համար: Ժամանակի ընթացքում զբոսաշրջիկներին սկսեցին էլ ավելի հետաքրքրել այն վայրերը, որոնք հեռու են մեծ ու աղմկոտ քաղաքներից, որտեղ կարելի է ամբողջովին հաղորդակից դառնալ բնությանը և փորձել հանգտի բոլորովին նոր տարբերակ: Ծովային, կուրորտային հանգստին փոխարինելու եկավ ճանաչողական և ակտիվ հանգիստը:
Տարբերակվում է էկտուրիզմի մի քանի տեսակ, որոնք են՝
Գիտական – բնության ուսումնասիրություն, հետազոտւթյուններ
Ակտիվ – արշավներ, ալպինիզմ, հեծանվարշավ
Պատմական – ծանթություն տեղական ավանդույթների, մշակութային առանձնահատկությունների հետ
Ագրոտուրիզմ – հողագործության, բանջարանաբոստանային կուլտուրաների աճեցման գործի ուսուցում
Պահպանվող տարածքներ – այցելություններ արգելոցներ, ազգային պարկեր, հատուկ պահպանվող տարածքներ
Ի վերջո կարելի է ենթադրել, որ ձևավորվում է հետաքրքիր մի պարադոքս, որքան առաջ է գնում աշխարհը, զարգանում ու կատարելագործվում են տեխնոլոգիաները, այնքան ավելի շատ է մարդը ձգտում դեպի բնություն և դեպի բնության անձեռակերտ հրաշքների բացահայտման:
Այս թեմայով
![](/timthumb.php?src=http://econews.am/disk/26-11-22/663dd641b4f4b9308026c1abed836ff1.jpg&w=300&h=200)
![](/timthumb.php?src=http://econews.am/disk/25-07-22/ab769a815945486c4fed49b662a2cbf7.jpg&w=300&h=200)
![](/timthumb.php?src=http://econews.am/disk/15-03-21/b50cea89f5be373dad786c4dd0cd6895.jpg&w=300&h=200)
![](/timthumb.php?src=http://econews.am/disk/04-03-21/a59051c3401afd96d1115ccbb4ac796c.jpg&w=300&h=200)
![](/timthumb.php?src=http://econews.am/disk/04-03-21/b9fa47be638aed1303cd5e48a8271d45.jpg&w=300&h=200)