Տավուշի մարզում շուրջ 70 մլն դրամի փոքր դրամաշնորհային ծրագիր է իրականացվել
![](https://econews.am/disk/30-11-18/d807765b5cda28b977b4dd4b662ad299.jpg)
ՀՀ բնապահպանության նախարարությունը ՄԱԿ զարգացման ծրագրի և Բնության համաշխարհային հիմնադրամի հայաստանյան մասնաճյուղի հետ համատեղ Տավուշի մարզի Հաղարծին և Թեղուտ համայնքներում իրականացրել է շուրջ 70 մլն դրամի փոքր դրամաշնորհային ծրագիր, որի մասին նախկինում հայտարարել էր Հայաստանի վարչապետի պաշտոնակատար Նիկոլ Փաշինյանը։ Այս մասին տեղեկանում ենք Բնապահպանության նախարարի պաշտոնակատար Էրիկ Գրիգորյանի ֆեյսբուքյան էջից:
Վերջինս հայտնում է նաև, որ ներկայացված 245 հայտերից հաղթող են ճանաչվել 50-ը, որոնցից յուրաքանչյուրին տրամադրվել է մինչև 1,5 մլն դրամ։ Բնապահպանության նախարարի պաշտոնակատար Էրիկ Գրիգորյանը հավաստագրեր է հանձնել հաղթողներին և կոչ արել պահպանել տեղի հարուստ բնաշխարհը։ Շահառուներին տրամադրվելու է նաև կազմակերպական և տեխնիկական օժանդակություն։
Նշենք, որ Տավուշի մարզում, հատկապես՝ «Դիլիջան» ազգային պարկի «Հաղարծին տեղամասի» մասնաճյուղը համարվում է ապօրինի ծառահատումների ամենաակտիվ տարածքներից մեկը: Նշված տարածքներում սոցիալական ծրագրերի իրականացումը մեծապես նպաստում է ապօրինի ծառահատումների ծավալի կրճատման:
Այս թեմայով
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/19-09-22/12eeb5ea55320cc39d5e5f7a8687be8c.jpg&w=300&h=200)
![](/timthumb.php?src=http://econews.am/disk/13-08-22/c1369475880d804a2e4d0d16407214a0.jpg&w=300&h=200)
![](/timthumb.php?src=http://econews.am/disk/08-08-22/fb60bbc0189554cee1b04066b2c11897.jpg&w=300&h=200)