Քաղցրաշենի ծրագիրը ցանկացած տարբերակով կործանարար է

Քաղցրաշենի ծրագիրը ցանկացած տարբերակով կործանարար է:

Ավաղ, դա համառորեն չհասկացան ու չեն ուզում հասկանալ իշխանություններն ու օլիգարխները` ելնելով իրենց խմբային հանցավոր շահերից: Նրանք հետևողականորեն ամեն նենգ քայլերի դիմեցին, որպեսզի ծրագիրն իրականանա` օգտագործելով իրենց ճիրաններում գտնվող հլու կամակատար տեղական ինքնակառավարման մարմիններին` բնակիչների համախմբումը պառակտելու ու ապակողմնորոշելու հարցում:

Մտավորականությունն էլ աններելի հանցավոր անտարբերություն է ցուցաբերում:

Այս կործանարար ծրագրով ոչնչանալու է Գառնիի ձորի գեղատեսիլ բնաշխարհը, վտանգվելու է Խոսրովի անտառի հսկայական հատված, Ազատ գետի մի հատվածի ոչնչացման հետևանքով Ազատի ջրամբարն է ջրազրկվելու, անապատի են վերածվելու այդ ջրամբարից ինքնահոս ոռոգվող`

Երևանի որոշ հողատարածքներ,

Արարատի մարզի տասնյակ համայնքների մոտ 7100 ու ավելի հեկտար հողեր:

Կլիման է փոխվելու ու իր անդառնալի բացասական ազդեցությունն է թողնելու Խոսրովի անտառի, Գառնիի ու հարակից համայնքների, Արարատի մարզի բազմաթիվ համայնքների ու Երևանի վրա:

Մինչդեռ կարելի էր արևային կայաններ կամ հողմակայաններ կառուցելով` էժան էներգիայով աշխատեցնել Քաղցրաշենի ու այլ պոմպակայաններ, նպատակային ու արդյունավետ օգտագործել վարկերն ու ավելորդ, անտեղի վարկային բեռ չավելացնել պետության, ազգի ուսերին:

Կարելի էր զբոսաշրջությունը զարգացնել Գառնիի ձորում` մինչև Ազատի ջրամբար, ապահովել անընդհատ եկամուտներ և օգնել բնակչությանը բարեկեցիկ կյանքով ապրել, վարկային բեռն էլ հնարավորինս արագ մարել ու միշտ եկամուտներ ապահովել:

Արուսյակ Այվազյանի ֆեյսբուքյան էջից: