«Անիմալիքս» խորագրով ցուցահանդես՝ Երևանի Կենդանաբանական այգում
«Անիմալիքս» խորագրով ցուցահանդեսի նպատակն է` արվեստի միջոցով ցույց տալ կենդանական աշխարհի հրաշքները: Աշխարհում այսօր թիվ մեկ խնդիր է դարձել բնապահպանությունը, շրջակա միջավայրը` կենդանական և բուսական աշխարհով, այն անվտանգ պահելու համար մարդիկ այսօր մեծ ճիգեր են գործադրում:
Ցուցադրությունը Երևանի Կենդանաբանական այգու տարածքում իրականացնելը պատահական չէ, այստեղ նույն կենդանուն միաժամանակ կարող են տեսնել և՛ կտավի վրա և՛ իր վանդակում: Տեսնել ու զգալ, թե որքան բազմազան ու որքան կարևոր է այսօր մարդկանց վերաբերմունքը բնության հանդեպ:
«Անիմալիստական ժանրը, զուտ նկարչության առումով ինձ միշտ հետաքրքրել է: Կենդանիների բնավորությունը, ուժը, հզորությունը, թռչունների գեղեցկությունն ու հմայքը փորձել եմ փոխանցել կտավների միջոցով: Բնության գույներն ու զգացողությունները անսպառ են ու չափազանց յուրահատուկ, պետք է ամեն բան անել, որ բնության որևէ տարր չանհետանա երկրագնդի վրայից, պետք է փայփայել այդ միջավայրը»,- նշում է Արթուր Պետրոսյանը: Ցուցահանդեսին ներկայացված են 30-ից ավելի աշխատանքներ:
Այս թեմայով
Տեղի կունենա «Կլիմայական գամբիթ 2023» արագ շախմատի մրցաշարը
«Բունկայի ընկերները»․ 70 000-ից ավելի մարդ կոչ է անում օգնել Երևանի կենդանաբանական այգու փղին (տեսանյութ)
«Լուրջ վտանգի տակ է Երևանի օդային ավազանը»․ Բուսաբանության ինստիտուտը դեմ է ձուլարանի կառուցմանը
Անբարեխղճության և կենդանիների անկման շղթան Երևանի կենդանաբանական այգում /մաս 3/
«Սոված» կենդանիների հետքերով․․․ /մաս 2/
