Օդի աղտոտվածությունը հանգեցնում է հիպերտոնիայի

Աղտոտված օդի ազդեցությունը նկատելիորեն բարձրացնում է հիպերտոնիայի զարգացման ռիսկը: Այդպիսի եզրակացության են հանգել Չինաստանի մասնագետները՝ վերլուծելով 17 հետազոտությունների տվյալները, որոնց մասնակցել են 108000 հիպերտոնիայով հիվանդ և 220000 առողջ մարդ, հայտնում է NDTV-ը:

Գիտնականները կենտրոնացել են 2 միացությունների վրա՝ ծծմբի երկօքսիդի, որը օդի մեջ է ընկնում օրգանական վառելիքի այրումից, և ազոտի օքսիդի, որը հիմնականում պարունակվում է ավտոմեքենաների արտանետած գազերում: Գիտնականները ուսումնասիրել են նաև կոշտ մասնիկները: Ավենավտանգավորը նրանք համարել են 2․5 միկրոմետր չափերով մասնիկները:

Մասնագետները հայտնաբերել են, որ այդ նյութերի կարճաժամկետ ազդեցությունը կապված է արյան ճնշման բարձրացման հետ, և հիշեցրել, որ հիպերտոնիան հանդիսանում է սրտանոթային հիվանդությունների և կաթվածի զարգացման ռիսկի հիմնական գործոնը: