Հնագետները պարզել են Սթոունհենջի կառուցման եղանակը
Լոնդոնի համալսարանական քոլեջի հնագետները եւ ուսանողները դաշտային գիտափորձ են անցկացրել՝ պարզելու համար, թե ինչպես է կառուցվել Սթոունհենջը:
Հնագետ Մայք Փարքեր-Փիրսոնի կարծիքով, ամենայն հավանականությամբ, հսկայական քարերը շինհրապարակ են փոխադրվել պտտվող գերաններից անիվներով փայտե սահնակի վրա: Այս մասին գրում է Lenta-ն՝ վկայակոչելով The Telegraph-ը:
Ըստ հնագետների, 10 մարդ կարող էր շուրջ 0.6 մ/վ արագությամբ մեկ տոննա կռշող քար տեղաշարժել: Նեոլիթի դարաշրջանում, երբ կառուցվել է Սթոունհենջը, այդ շրջանում մի քանի հազար մարդ էր բնակվում, ինչը բավարար էր մեծ թվով ծանր քարեր փոխադրելու համար:
Սթոունհենջը կառուցվել է 4-5 հազար տարի առաջ: Կառույցի ամենածանր քարերը 30-40 տոննա են կշռում: Համալիրի վերջնական նշանակությունը մինչեւ այժմ հայտնի չէ:
