Սանտյագոյի կենդանաբանական այգու աշխատակիցները սպանել են երկու առյուծներին` փրկելով ինքնասպանին
Չիլիի մայրաքաղաք Սանտյագոյի կենդանաբանական այգու աշխատակիցները սպանել են երկու առյուծի, որպեսզի փրկեն տղամարդուն, որը մտել է նրանց վանդակը, հայտնում է BBC-ն:
Դեպքը տեղի է ունեցել օրվա այն ժամին, երբ կենդանաբանական այգում եղել են բազմաթիվ այցելուներ: Տղամարդն առյուծների վանդակ է մտել պարանի օգնությամբ, հանել է շորերը և մոտեցել առյուծներին, որոնք անմիջապես հարձակվել են նրա վրա:
Ինչպես հաղորդել է կենդանաբանական այգու տնօրենը, այդ պահին իրենց մոտ չի գտնվել արագ գործող քնաբեր միջոց, որի պատճառով աշխատակիցները ստիպված սպանել են առյուծներին:
Տուժած տղամարդուն հասցրել են հիվանդանոց, նրա վիճակը ծանր է: Ականատեսներն ասում են, որ նրա գրպանում գտել են ինքնասպանության մասին երկտող` կրոնական բովանդակությամբ:
Այս թեմայով
«Բունկայի ընկերները»․ 70 000-ից ավելի մարդ կոչ է անում օգնել Երևանի կենդանաբանական այգու փղին (տեսանյութ)
Անբարեխղճության և կենդանիների անկման շղթան Երևանի կենդանաբանական այգում /մաս 3/
Ահազանգ․ Համատարած կրակում են ամբողջ Հայաստանով մեկ․․․ (տեսանյութ)
«Սոված» կենդանիների հետքերով․․․ /մաս 2/
Մայիսին Կենդանաբանական այգում Գերդային էֆթանազիայի են ենթարկել
