Որքա՞ն մարդ է տուգանվել մեքենայից աղբ նետելու համար. հարցի պատասխանն արժի 3000 դրամ

Աղբը մեքենայից  դեն նետելու  վատ  սովորույթը  ուղեկցում է ոչ միայն հայերին, սակայն  մեր երկրում այն հասնում է աբսուրդային  կարգավիճակի կամ գուցե որպես քաղաքացի   մեր սիրտն ավելի է ցավում  հարազատ  քաղաքի  փնթի վիճակի համար:

 Այլ  ազգի ներկայացուցիչների մոտ  պարծենալով,     գլուխ գովելով և ներկայացնելով պատմամշակութային մեր հարուստ ժառանգությունը`  գլուխներս  ստիպված ենք կախել` տեսնելով, թե ինչ է կատարվում հենց այդ հուշարձանների  շուրջը կամ հեռու չգնանք` մայրաքաղաքի  կենտրոնական փողոցներում:

Քաղաքակիրթ և դեպի Եվրոպա տենչող   հոգով-սրտով  քաղաքակրթությունից հեռու  վերաբերմունքը  չի  համընկնում   իրական  քաղաքակրթութան մասին մեր պատկերացումներին:

 Որքան  քիչ  գետնին աղբ  թափենք,  այնքան  քիչ աշխատանք կպահանջվի այն մաքրելու համար: Փաստերը ցույց են տալիս, որ այս տարրական  գիտակցությունը  քչերին է հասանելի:

 Խնդրի լուծման համար տարբեր երկրներում կիրառում են տարբեր պատժամիջոցներ, օրինակ` Լոնդոնում  հունիս ամսվանից  սահմանաված է հատուկ տուգանք` աղբը մեքենայի պատուհանից դեն նետելու համար, այն կազմում է 65.000 դրամին համարժեք գումար, Ռուսաստանում`13.000, իսկ Հայաստանում (այստեղից  սկսվում է  ամենահետաքրքիր պահը)  վարորդի դեպքում` 5000, իսկ  սովորական ուղևորի պարագայում` 3000  դրամ: Հետաքրքիր և անհասկանալի մոտեցում. չէ՞ որ երկու դեպքում էլ նույն աղբը հայտնվում է   գետնին և նույնչափ է աղտոտվում մեր  քաղաքը:  Ի  տարբերություն մեր երկրի` Լոնդոնում ամենևին էլ կարևոր չէ, թե ով դեն նետեց աղբը, տուգանքը նույնքան է և  պատասխանատվության է ենթարկվում մեքենայի սեփականատերը:  Քաղաքում տեղադրված են  տեսախցիկներ, որոնք ֆիքսում են  կարգի խախտումը, այնուհետև`  նամակ ուղարկում համապատասխան հասցեով:

Ի դեպ,  սոցիոլոգներիը պարզել են,որ օրենքի կողմնակիցները արտասահմանում  հենց վարորդներն են, որոնց նյարդայնացնում է աղբի միջով  մեքենա վարելը:

 Խնդրով մտահոգ` ս.թ. նոյեմբերի 11-ին econews-ը  գրավոր դիմեց ՀՀ ճանապարհային  ոստիկանություն` խնդրելով   տրամադրել տեղեկություններ, թե ավտոմեքենայից աղբ նետելու համար որքան մարդ է տուգանվել:

 Ի  պատասխան econews-ի հարցմանը` ՀՀ ճանապարհային ոստիկանության ծառայությունից հայտնեցին. <<ՀՀ   կառավարության 2007թ-ի նոյեմբերի 8-ի  Հայաստանի Հանրապետության  կառավարությանն առնթեր ՀՀ ոստիկանության <<Ճանապարհային ոստիկանություն>> ծառայության  արտաբյուջետային  ֆոնդ  վճարման ենթակա վճարների չափերը սահմանելու մասին>>  թիվ  1408-Ն որոշման հավելվածի 3-րդ կետի համաձայն, օրենքով չարգելված տեղեկատվության  տրամադրման  համար նախատեսված է 3000 դրամ վճարի  չափ: Հետևաբար, Ձեր գրության  պատասխանը կարող եք ստանալ միայն  վճարման ադորրագիր  ներկայացնելուց հետո:

P.S.  Չենք կարծում, որ  մարդկանց թիվը  նշելու համար  պետք է 3000  դրամին համարժեք գումարի  պատճենահանում իրականացնել ինֆորմացիան տրամադրելու  համար:

Econews.am