Ազատ գետն աղբից ազատվելու կարիք ունի
Թեև բնակիչները բողոքում են, որ գետը շատ է աղտոտված, սակայն հիմնա-կան աղտոտողները հենց իրենք են: Աղբատար մեքենաների ծառայություններից օգտվելու փոխարեն` նախընտրում են ավելի կարճ ճանապարհ` գետի միջոցով ազատվել ձեռքի տակ եղած անպետք իրերից: Մարդիկ կարծում են, թե գետը կքշի, կտանի ամեն ինչ, սակայն սխալվում են:
Անգամ “Econews”-ի ֆոտոխցիկն էր նկարելիս ցավ ապրում` ֆիքսելով պլաստմասսե շշերի կուտակումները, պոլիէթիլենային տոպրակները և այլն: Ճանապարհին հանդիպած երեխաները մեզ հայտնեցին իրենց դժգոհությունը, թե ամռանը չեն կարողանում լողալ գետում. “Ո՞նց լողանք, կեղտոտ է": Գետում դեռ կան կողակ և բեղլու ձկնատեսակներ:
Արարատի մարզը Հայկական լեռնաշխարհի անբաժան մասն է: Մարզը մասնատված է Ազատ, Վեդի և Արածո գետերով: Բնության ստեղծած գեղատեսիլ անկյուններից է Ազատ գետը, որի հմայքը խամրում է աղտոտվածության պատճառով: Այն անցնում է Արարատի մարզի Արտաշատ քաղաքի Ազատավան գյուղով: Մարզի տարածքում է գտնվում նաև հանրապետության ոռոգման համակարգի կարևոր կառույցներից մեկը` Ազատի ջրամբարը` յոթանասուն միլիոն խորանարդ մետր ծավալով:
[nggallery id=15]Լուսանկարները` Կարապետ Սահակյանի Տեքստը` Մարիաննա Հակոբյանի