Հանքը կշահագործեն, եթե կարողանան բնակչության մեջ իրենց հավատարիմ մարդիկ գտնել
![](https://econews.am/disk/09-08-17/184fa75068a217daac15912d56820dc2.jpg)
«Այս ծրագիրը կասեցվեց, քանի որ հանքը անտառի հենց խորքում էր, անտառի ուղղակի կենտրոնը: Դա մոտ 8-10 տարի առաջ էր: Այն ժամանակ ընդամենը երկու հանքավայրի մասին էր խոսքը, որոնցից մեկը Ախեթքի հանքավայրն էր»,- այս մասին մեզ /EcoNews.am բնապահպանական տեղեկատվական կայք/ հետ զրույցում ասաց «Կանաչների միության» նախագահ Հակոբ Սանասարյանը՝ խոսելով Թեղուտի տարածքում մի քանի նոր հանքավայրերի շահագործման ծրագրի մասի:
«Մենք ուրախացանք, որ այդ ծրագիրը հանվեց, բայց անցյալ տարի դրվեց ավելի լայն ծրագիր, որն արդեն ներառում էր նաև Հաղպատ, Ծաղկաշատ գյուղերը: Դա պղինձ-մոլիբդեն-ուրան և մյուս բազմամետաղների հանք է, որը կազմում է 140 քկմ կամ 14 հազար հա: Ձգվում է հենց Թեղուտի հանքավայրի և Շնող գյուղի մոտակայքից մինչև Հաղպատ գյուղի տարածք: Ծաղկաշատի բնակչությունը բողոքեց և ծրագիրը չկարողացան իրականացնել, սակայն այն վերացած ծրագիր չէ: Նրանք կփորձեն այն իրականացնել, եթե կարողանան բնակչության մեջ իրենց հավատարիմ մարդիկ գտնել»,- մանրամասնեց նա:
Նշենք, որ ծրագիրը ներկայացրել է նույն ընկերությունը, որն արդեն իսկ շահագործում է Թեղուտի պղինձ-մոլիբդենային հանքավայրը: Դա «Վալլեքս» ընկերությունն է, որը չնայած բազմաթիվ մարդկանց կողմից բարձրացված դժգոհության ալիքի կարողացավ սկսել շահագործել Թեղուտի հանքավայրը:
Հիշեցնենք նաև, որ 2015թ.-ին Ծաղկաշատ համայնքի բնակիչների 95%-ի կողմից կազմակերպվեց ստորագրահավաք ընդդեմ վերոնշյալ տարածքի շահագործման:
Այս թեմայով
![](/timthumb.php?src=http://econews.am/disk/25-07-22/8028fd68a0c74d247b9eda5d9deba346.jpg&w=300&h=200)
![](/timthumb.php?src=http://econews.am/disk/28-04-22/817a0d41cc6528d4cf44d1aa3d126ffc.jpg&w=300&h=200)
![](/timthumb.php?src=http://econews.am/disk/26-09-20/55c79e51c3868e67fb5113ab692aa766.jpg&w=300&h=200)
![](/timthumb.php?src=http://econews.am/disk/15-09-20/cdf0d651832541641ee9f842a3f437f5.jpg&w=300&h=200)
![](/timthumb.php?src=http://econews.am/disk/10-07-20/5405b12ae5cba56f7f36a644425931fa.jpg&w=300&h=200)