S.O.S Մեծ Այրում. «Նահատակի ձոր» պոչամբարը իսկական պատուհաս է ու աղետ գյուղացիների համար (ֆոտո)

Մեծ Այրում գյուղում գտնվող «Նահատակի» ձորի պոչամբարը իսկական պատուհաս է ու աղետ գյուղացիների համար: Այս մասին հայտնում է «Համայնքային համախմբման և աջակցության կենտրոն» ՀԿ-ի տնօրեն Օլեգ Դուրգարյանը: 

Ներկայացնենք գրառումն ամբողջությամբ. «Այս վիճակի համար պատասխանատու են ՀՀ բնապահպանության նախարարությունը, այդ նախկին համայնքի, նախկին տեղական ինքնակառավարման մարմինները և շահագործող ընկերությունը:

Պոչամբարի լինելիության պաշտպանները պետք է պատասխան տան, մարդկանց և շրջակա միջավայրին հասցրած վնասների համար:

1. Պոչամբարը մեծացել է, հասել ահավոր չափսերի,

2. Պոչամբարից միշտ ջրերը հոսել են և խառնվել Դեբեդ գետին,

3. Պոչամբարը շահագործվել է առանց նորմերի պահպանման և անվտանգության տարրական պայմանների, պատճառելով շրջակա միջավայրին, վստահենք մարդկանց առողջությանը պատճառվել են անդառնալի վնասներ:

Մեծ Այրում արդեն նախկին համայնքի նախկին տեղական ինքնակառավարման մարմինները պատասխանատու են, անգործության և պոչամբարի կյանքի երկարացման համար, որի համար դեմ են գնացել սեփական ժողովրդին,

1. Պոչամբարը չի ցանկապատվել և ընտանի կենդանիները արածում են պոչամբարին մոտ տարածքում, նախկին ՏԻՄ-ը անգործություն է ցուցաբերել,

2. ՏԻՄ-ը թույլատրել է պոչամբարի մերձակայքում բնական աղբյուրների թաղմանը թափոնների տակ,

3. ՏԻՄ-ը չի պահանջել համայնքում սոցիալական ծրագրերի իրականացմանը , որպես ստացվող վնասների փոխհատուցում,

4. ՏԻՄ-ը գնալով ժողովրդի դեմ հավելյալ հողերի կարգ փոխեց, որպեսզի տրամադրի նոր պոչամբարի կառուցման համար, կուլիսներում ամբողջ պատասխանատվությունը գցելով Լոռու մարզպետի վրա, որ իրենք մեղավոր չեն, իրենց ստիպում են այդպես վարվել:

5. ՏԻՄ-ը թույլատրել է անընդհատ պոչամբարի ծավալների մեծացումը, հող տրամադրելով համայնքի վարչական տարածքից, որի համար քանդվում էին արոտավայր հանդիսացող բլուրները:

Շտապ անհրաժեշտ է, իրականացնել ուսումնասիրություն, կասեցնել աղետը, միջազգային նորմերին համապատասխան ռեկուլտիվացիա իրականացնել,

Իրականացնել Մեծ Այրումի պոչամբարի ազդեցության գնահատում մարդկանց առողջության և շրջակա միջավայրի վրա:

Գնահատել պոչամբարի առկայության հետևանքով պատճառած վնասները շրջակա միջավայրի և մարդկանց առողջության վրա, մասնավորապես երեխաների , վերականգնել վնասները , պատասխաններ պահանջել պատասխանատու մարմիններից և մեղավոր անհատներից անգործության համար:

Մեջբերում ՀՀ ՏԻՄ օրենքից,

Հոդված 45. Համայնքի ղեկավարի գործունեությունը բնության և շրջակա բնական միջավայրի պահպանության բնագավառում

Համայնքի ղեկավարը բնության և շրջակա միջավայրի պահպանության բնագավառում իրականացնում է հետևյալ պարտադիր լիազորությունը.

- կազմակերպում է համայնքի սեփականություն համարվող հողերի, անտառային և ջրային տարածքների, ինչպես նաև շրջակա միջավայրի պահպանությունը:

Բնության և շրջակա միջավայրի պահպանության բնագավառում համայնքի ղեկավարն իրականացնում է պետության պատվիրակած հետևյալ լիազորությունները.

1) վերահսկողություն է իրականացնում բնության պահպանության բնագավառում, կազմակերպում է ընդերքի, անտառային, ջրային և օդային տարածքների, ինչպես նաև բուսական ու կենդանական աշխարհի օգտագործման և պահպանման միջոցառումները.

2) ապահովում է հողերի պահպանությունը հողատարումից, ողողումներից, ճահճացումից, քիմիական, ռադիոակտիվ նյութերով և արտադրական թափոններով աղտոտումից»:

Նշենք, որ սույն հրապարակումն ահազանգ է հանդիսանում ՀՀ բնապահպանության և ընդերքի տեսչական մարմնի համար: