Քաղաքապետարանը դիմում է Ոստիկանապետ Օսիպյանին. ցուցարարները պահանջում են Տարոն Մարգարյանի հրաժարականը (ուղիղ)
Այսօր՝ մայիսի 16-ին, բողոքի ակցիա է տեղի ունենում Երևանի քաղաքապետարանի և քաղաքապետ Տարոն Մարգարյանի դեմ: Բողոքի պատճառ է հանդիսացել երեկ համացանցում հայտնված լուսանկարը, որտեղ երևում է իրականացվող շինաշխատանքների հետևանքով մայրաքաղաքի Իտալիայի և Բեյրութի փողոցների միջնամասում գտնվող այգում տեղի են ունեցել ծառահատումները: Նշենք, որ ցուցարարները մուտք են գործել Երևանի քաղաքապետարանի գլխավոր մասնաշենք և պահանջում են Տարոն Մարգարյանի հրաժարականը:
Քիչ առաջ Երևանի քաղաքապետարանը հայտարարություն է կատարել, որում ասվում է.
«Հարգելի պրն Օսիպյան,
օրենսդրության խախտմամբ տեղի է ունեցել ներխուժում՝ ՀՀ ոստիկանության կողմից պահպանվող պետական պահպանության օբյեկտ հանդիսացող Երևանի քաղաքապետարանի շենք` խոչընդոտելով քաղաքապետարանի աշխատանքի բնականոն ընթացքը։
Դիմում ենք Ձեզ՝ ձեռնարկելու միջոցներ ոչ օրինական գործողությունները դադարեցնելու և քաղաքապետարանի բնականոն գործունեությունը վերականգնելու համար»:
Ակցիայի ընթացքին կարող եք հետևել ուղիղ հեռարձակմամբ:
Այս թեմայով
Տեղի կունենա «Կլիմայական գամբիթ 2023» արագ շախմատի մրցաշարը
Ազոտի երկօքսիդի տարեկան միջին կոնցենտրացիայի փոփոխությունը՝ Երևանում
Ապօրինաբար փորձել են սևահող տեղափոխել
10-ից ավելի մեքենա է հայտնաբերվել՝ տարբեր ծավալի ապօրինի փայտանյութով (տեսանյութ)
Ահազանգ․ Երևանի կենտրոնում հաստաբուն ծառ են կտրել (ֆոտո)
