«National Geographic»-ը՝ Վերին Արտաշատում բանտարկված Բալու արջի մասին (տեսանյութ)

Վերին Արտաշատի սեփական տներից մեկի բակում պահվող Բալու անունով արջի փրկության գործընթացին անդրադարձել է նաև միջազգային «National Geographic»-ը:

«National Geographic»-ը հրապարակել է տեսանյութ փրկության գործողությունից՝ գրելով. «2018թ.-ի մարտի 7-ին Հայաստանում Բալու անունով արջը սկսեց ճամփորդություն դեպի ավելի լավ կյանք, հեռու գերությունից, որտեղ գտնվել էր իր ամբողջ 2.5 տարվա կյանքի ընթացքում, բանտարկված մասնավոր տարածքում»:

Աղբյուրն անդրադառնում է նաև Հայաստանում մասնավոր տարածքներում բանտարկված շուրջ 80 արջերին: Արջերի փրկության մեծ ծրագրի շնորհիվ, արդեն տասնյակ արջեր տեխափոխվել են առավել բարվոք պայմաններ ապահովող կացարան կամ Երևանի կենդանաբանական այգի: Փրկության ծրագիրն իրականացվում է FPWC, IAR և այլ կառույցների աջակցությամբ:

Եղանակի տեսություն
Օրացույց
Մենք Facebook-ում