Այսօր կենդանիների պաշտպանության համաշխարհային օրն է

Հոկտեմբերի 4-ը հանդիսանում է Կենդանիների պաշտպանության համաշխարհային օր կամ պարզապես Կենդանիների օր: Այս տոնը ստեղծված է մարդկանց ուշադրությունը գրավելու Երկիր մոլորակի մնացած բնակիչների խնդիրների վրա։ 

Նշել այս օրը որոշված էր Ֆլորենցիայում (Իտալիա), 1931 թվականին, այնտեղ անցկացվող բնության պաշտպանության շարժման կողմնակիցների միջազգային համագումարում։

Կենդանիների պաշտպանության համաշխարհային օրվա անցկացման ամսաթիվը պատահական ընտրված չէր։ Հոկտեմբերի 4-ը Ասսիզյան Ֆրանցիսկի հիշատակի օրն է (մահացել է 1226 թվականի հոկտեմբերի 4-ին)՝ կաթոլիկ եկեղեցու սրբերից ամենահարգվածներից մեկի։ Ասսիզյան Ֆրանցիսկը կաթոլիկների մոտ համարվում է կենդանիների խնամակալը, այդ պատճառով էլ համագումարի մասնակիցները և կանգ առան հենց այս օրվա վրա։

Այսպիսի օրվա անցկացման գաղափարը ընդունվեց ամբողջ աշխարհով մեկ և 2008 թվականին այս ամսաթվին նվիրված տարաբնույթ միջոցառումները անցկացվեցին արդեն աշխարհի 66 երկրում։

 

Օրացույց
Ամենադիտված
Այսօր
Այս շաբաթ
Այս ամիս
Մենք Facebook-ում