Այծացախակեռաս. ՀՀ Բույսեր

Այծացախակեռաս կամ այծատերև (լատ.՝ Lonícera caprifólium), ցեղն ընդգրկում է մոտ 200 տեսակ, որոնք ունեն ամենատարբեր կենսաէկոլոգիական առանձնահատկություններ և տարածվածություն։

Ստուգաբանություն

Տեսակների «caprifolium» անվանումը ծագել է լատ.՝ capra - այծ և folium տերև բառերից։

Կենսաբանական նկարագիր

Փաթաթվող թուփ է։ Տերևները էլիպսաձև են, խոշար, կլոր և փայլուն, կապտականաչ, նստադիր, հակադիր դասավորված։ Ծաղիկները սպիտակ են, աստիճանաբար դեղնում են, բուրումնավետ են։

Ծաղկում է մայիս-հունիսին, պտուղները հասունանում են օգոստոսին։ Հատապտուղները նարնջակարմրավուն են։

Նշանակություն

Բարձր գեղազարդիչ է, օգտագործվում է ուղղաձիգ կանաչապատման մեջ։ Որպես դեկորատիվ բույս օգտագործվում է տաղավարները, կամարները կանաչապատելու համար։

Տարածում

Աճում է Կովկասում, Ղրիմում և Հարավային Եվրոպայում։ Հայաստանում հանդիպում է հյուսիսարևելյան շրջանների ստորին անտառային գոտում՝ մինչև 1500-1600 մ բարձրությունները։ Մագլցում է ծառերին կամ փռվում հողի մակերեսին։

Եղանակի տեսություն
Օրացույց
Մենք Facebook-ում