«Ջահել աղվես ա էգ ու ձագովա»․ վայրի բնությունից գողացված աղվեսը՝ վաճառքի առարկա (ֆոտո)
![](https://econews.am/disk/04-03-21/90b35f89a09cdbd9496289988e0b7194.jpg)
![](https://econews.am/disk/04-03-21/ba14859a030b3a28cd6f7f21a18a0825.jpg)
![](https://econews.am/disk/04-03-21/bd92f54de0ec292af6722d5c264b9d18.jpg)
Առցանց վաճառքի կայքերում և սոցիալական հարթակներում շարունակում են հայտնվել հայտարարություններ վայրի բնությունից գողացված կենդանիների վաճառքի մասին։ Այս անգամ Ավետ Արշակյան անունով օգտատերը բեռնել է երկաթից շղթայով կապված աղվեսի լուսանկար՝ գրելով․ «uzum em vacharem vortev chem kara pahem eq axves gin@ naxnakan voroshel em 40hazar»։
Ընդգծենք, որ կենդանին ակնհայտորեն վայրի բնության միավոր է, իսկ «Կենդանական աշխարհի մասին» ՀՀ օրենքը սահմանում է․ «Հայաստանի Հանրապետությունում կենդանական աշխարհն ազգային հարստություն է: Այն բնության ամբողջականությունն ապահովող առավել կարևոր տարրերից է, դրա էկոլոգիական հավասարակշռության և ներդաշնակ զարգացման երաշխիքը: Հայաստանի Հանրապետությունում կենդանական աշխարհը պետության բացառիկ սեփականությունն է»։
Նշված անձնավորությունը հայտարարություն է տարածել նաև առցանց վաճառքի կայքերից մեկում․ «Ջահել աղվես ա էգ ու ձագովա, շատ շտապ ա որտև ես չեմ կարա պահեմ»։ Հայտարարությունը բեռնված է այսօր՝ մարտի 4–ին, իսկ տեղադիրքը նշված է Աջափնյակ։
Հիշեցնենք նաև, որ վերջերս աղվեսի ապօրինի որսի դեպք է գրանցվել նաև Երևանի Վահագնի թաղամասի ետնամասում, որտեղ անհայտ անձանց կողմից տեղադրվում են ինքնաշեն թակարդներ և պարբերաբար հայտնվում են կենդանիներ, մասնավորապես՝ աղվեսներ։
Սույն հրապարակումը հանդիսանում է հաղորդում հանցագործության մասին, ուստի EcoNews.am բնապահպանական տեղեկատվական կայքը հրավիրում է ՀՀ ոստիկանության և այլ իրավապահ մարմինների ուշադրությունը:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Այս թեմայով
![](/timthumb.php?src=http://econews.am/disk/25-10-22/541020de43cb253a5603231209f62797.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)
![](/timthumb.php?src=http://econews.am/disk/04-10-22/4a3536fc02a856929a0afb44821c5e8b.jpg&w=300&h=200)
![](/timthumb.php?src=http://econews.am/disk/04-10-22/9dcffedb69b44cc3c501c3b8c8a41ff5.jpg&w=300&h=200)
![](/timthumb.php?src=http://econews.am/disk/27-09-22/dab2c98e135e8cf6c4b4578d5fd717cc.jpg&w=300&h=200)