Մեզ մոտ օրենսդրական լուրջ բաց կա, որը թույլ չի տալիս ամբողջությամբ վերահսկել ոլորտը. բնապահպան Կարինե Փանոսյան

Այսօր EcoNews.am-ի զրուցակիցն է բնապահպան, «Փրո Փոուզ» կազմակերպության կրթական ծրագրի ղեկավար Կարինե Փանոսյանը, ում հետ կզրուցենք ՀՀ-ում արդիական թափառող կենդանիների խնդրի և դրա լուծմանն ուղղված քայլերի իրականացման մասին:

Ինչպիսի՞ մակարդակում է գտնվում ՀՀ-ում թափառող կենդանիների խնդիրը: Ի՞նչ քայլեր են իրականացվում հասարակական և պետական շրջանակներում:

- Վերջին տարիներին շնորհիվ այն բանի, որ ակտիվացել են և հասարակական կազմակերպությունները, որոնք զբաղվում են թափառող կենդանիների խնդիրներով, և ակտիվ մարդիկ, անհատները, որոնք ավելի մեծ ուշադրությամբ ու հոգատարությամբ են ներգրավվել խնդրին, և միջազգային կազմակերպությունները, որոնք սկսեցին Հայաստան գնալ գալ, և քաղաքպետը ներգրավվեց խնդրի լուծմանը, շատ կենդանիների ենք կարողացել ստերջացնել: Հասարակական կազմակերպությունների շնորհիվ որոշ կենդանիների որդեգրվել են: Սրանում մեծագույն փորձ ունի «Դինգո» ՀԿ, որին պետք է շնորհակալություն հայտնել:

Քաղաքապետարանի հետ մենք մի քանի ծրագիր իրականացրեցինք թափառող կենդանիների հետ կապված և հուսով ենք, որ այդ ծրագրերը կշարունակվեն և դրանք ավելի ընդգրկուն կլինեն ոչ միայն Երևանի մակարդակով, այլ առհասարակ Հայաստանի, որովհետև Երևանից դուրս, օրինակ՝ Գյումրիում, Վանաձորում և այլուր խնդիրը բավականին ծանր է: Այսինքն, կան կենդանիների ոհմակներ, որոնք պարբերաբար հարձակվում են մարդկանց վրա: Սրա հիմնական պատճառներից մեկն այն է, որ կենդանիներն անխնա բազմանում են: Այսպիսի բան կա բնության մեջ. երբ կենդանին զգում է իր պոպուլյացիային սպառնացող վտանգը, նա ավելի շատ է բազմանում: Միջազգային կազմակերպություններից մեկի հետազոտության արդյունքում պարզվել է, որ մեկ զույգ շունը կարող է 7 տարում մինչև 64 հազար հատ սերունդ տալ: 

Ցավոք սրտի մեզ մոտ օրենսդրական լուրջ բաց կա, որը թույլ չի տալիս ամբողջությամբ վերահսկել ոլորտը: Քանի դեռ մենք չունենք պատշաճ օրենսդրական ակտ, մենք թերևս լուրջ արդյունքների հասնել չենք կարողանա: Միակ ուղին փաթեթն ԱԺ հասցնելն ու այն ընդունելն է: Հուսով եմ, որ նոր խորհրդարանում կլինեն նախաձեռնություններ, որոնք այս խնդրին լուծում կտան, որովհետև ամոթ է, որ մեր հարևան երկրներում լուջ քայլեր են արվել և վաղուց, նույն Ադրբեջանը ունի օրենքներ, իսկ մենք՝ չունենք: Մենք հնագույն ժամանակներից բնապաշտ ժողովուրդ ենք եղել, իսկ այսօր դուրս ենք մղվում միջազգային դաշտից:

«Փրո Փոուզ» (Pro Paws) կազմակերպությունը վաղուց ունի մշակված օրենսդրական փաթեթ և այն տեղ հասցնելու որոշ քայլեր արվել են, սակայն արդյունքում լուծում չի ստացվել: Նախնական քայլեր եղել են, հետաքրքրություն ցուցաբերվել է, բայց փաթեթը չի հայտնվել այնտեղ, որտեղ պետք է:

Ներկայացրեք «Փրո Փոուզ»-ի մշակած ծրագրի մանրամասները:

- Բացի օրենսդրական բարեփոխումներից պետք է նաև կենդանիների ստերջացման ծրագիրն իրականություն դառնա: Ոչ միայն կամավորական խմբերի և մասնավոր կազմակերպությունների շնորհիվ, այլև պետական միջոցներով պետք է համատարած ստերջացում իրականացվի, որպեսզի կենդանիների բազմանալու արդյունքում նոր կենդանիներ դրսում չհայտնվեն:

Հաջորդ կարևոր խնդիրը նաև մարդկանց մոտ էկոդաստիարակություն է, որը այս պահին մեր կազմակերպությունն իրականացնում է: «Փրո Փոուզը» ոչ միայն օրենսդրական խնդիրներով է զբաղվում, այլև կրթական և միջազգային համագործակցության ծրագրերով: Այս պահին մենք դպրոցներում իրականցնում ենք կրթական ծրագիր, որը կոչվում է՝ «հոգա շան մասին»: Այն վերաբերում է առհասարակ շներին, բայց մենք պատմում ենք նաև թափառող շների խնդրի մասին: Այս ծրագրով կարևորվում է նաև այն, որ մարդիկ, ովքեր ունեն տանը կենդանի ինչ-ինչ պատճառներով նրան դուրս չհանեն: Շատ հաճախ, մեր երկրում ընդունված է, որ երբ տանը բալիկ է ծնվում շանը հանում են դուրս: Առաջինը՝ դա նույն է ինչ տան երեխային դուրս հանեն: Երկրորդը՝ եթե այդ շները գոյատևում են դրսում, որովհետև շատ հաճախ չեն էլ գոյատևում, բայց եթե գոյատևում են, դառնում են ագրեսիվ մարդկանց նկատմամբ: Նրանց մոտ վրեժխնդրություն է ձևավորվում և այդ կենդանին կարող է սպառնալիք լինել և հատկապես սեփական տերերի համար:

«Մաքուր Հայաստան» ծրագիր. Մայիսի 27-ին` համապետական շաբաթօրյակ «Ինչպես է բացասական կարծիքը վերածվել դրականի, ես պատկերացում չունեմ». Կարինե Դանիելյանը՝ Ամուլսարի ծրագրի մասին Բնասիրական դիմակահանդես՝ Սիրահարների այգում. սպասվում են անակնկալներ (տեսանյութ) ՀՀ սողանքային աղետի կառավարման պլանն արժանացավ հավանության Ցավոք, մեր հասարակությունը կենդանիների նկատմամբ ունի առարկայական վերաբերմունք. բնապահպան Կարինե Փանոսյան «Անիմալիքս» խորագրով ցուցահանդես՝ Երևանի Կենդանաբանական այգում «Մոնթե Մելքոնյանի» անվան ռազմամարզական վարժարանի տարածքում օձ են բռնել Գյուղացի երեխան այնքան է տեսել սպանվող կենդանի, որ նրա զգացմունքները բթացել են. բնապահպան Քննարկվել է վտանգավոր թափոնների պահեստավորման և կառավարման ազգային կենտրոնի ստեղծման ծրագիրը Երևանում մեկնարկում է «Արևորդի» բնապահպանական փառատոնը Կենդանիների սպանդ պետական մակարդակով. Պատասխանատուն Ազգային Ժողովն է «Նկարվիր ընձառյուծի հետ». նոր բնապահպանական տեղեկատվական արշավ Ինչ է կատարվում «Շիկահող» արգելոցի և «Արցախանտառի» սահմանագլխին Նուբարաշենից մինչև Հրազդան գետ. Ջրերը վարակման վտանգի տակ են Պաշտոնանկ են արվել «Դիլիջան» ազգային պարկի տնօրենի տեղակալները և Բնապահպանական պետական տեսչության Տավուշի տարածքային բաժնի պետը Համաշխարհային Բանկից վերցրած վարկերի մի մասը գրպանվում է, մյուս մասն էլ անտեղի մսխվում. Արուսյակ Այվազյան
Եղանակի տեսություն
Օրացույց
Մենք Facebook-ում