Բնապահպաններն ահազանգում են ՀՀ-ում հնարավոր սելավների և ջրհեղեղի վտանգի մասին

2016-2017 թվականների ձմռան ամիսներին հանրապետության գետավազաններում կուտակված բավական քանակությամբ ձյան պաշարը գարնան ամիսներին ջերմաստիճանի կտրուկ բարձրացման ու հորդառատ անձրևների պարագայում կարող է ինտենսիվ սելավների ու հեղեղումների պատճառ դառնալ: Այս մասին ահազանգում են բնապահպանները:

«Հանուն կայուն մարդկային զարգացման» հասարակական կազմակերպության նախագահ Կարինե Դանիելյանի խոսքով՝ ջրհեղեղի վտանգը այն դեպքում կնվազի, եթե ջերմաստիճանի կտրուկ բարձրացումը չլինի:

«Մեր քաղաքները, հատկապես Երևանը, անպաշտպան են ձնհալից առաջացող հնարավոր ջրհեղեղից: Տարիներ ի վեր մենք պայքարեցինք, որ Գետառ կենտրոնական հատվածը գոնե չքանդվի, բայց դա մեզ չհաջողվեց: Այդ տարածքը օգտագործեցին ճանապարհներ, ռեստորաններ կառուցելու համար: Գետառը ներուժ ուներ դառնալ հորդառատ գետ, բայց դա հաշվի չառան»,- ասաց Դանիելյանը:

Բացի Երևանից, ըստ բնապահպանի, վտանգված են նաև այլ քաղաքներ, որտեղ լանջերը անտառներից զրկված են: Նա նաև նշում է հնարավոր ջրհեղեղներից հետո Հայաստանում գտնվող 21 պոչամբարների աղետալի հետևանքի մասին:

Ջրաօդերևութաբան Թրահել Վարդանյանն էլ սելավների և ջրհեղեղների հիմնական երեք գործոններ է նշում: Ըստ նրա՝ դրա համար պետք է լինի առատ ձյուն, ջերմաստիճանի կտրուկ բարձրացում՝ 8-10 աստիճանի և բարձրացմանը զուգահեռ հորդառատ անձրևներ:

«Բավական քանակությամբ ձյուն կա, երկրորդ և երրորդ պայմանները կանխատեսել անհնար է, բայց հավանական է: Վտանգ կարող է լինել ցանկացած ժամանակ, բայց ինչ-որ ունենք այս պահին, այդքան լուրջ չէ: Իմ կարծիքով՝ պետք է արդեն նախապատրաստվել և ռազմավարական լուրջ ծրագրեր իրականացնել»,- նկատեց նա:

Գետերի ու հեղեղատարների խոցելի տեղամասերի ամրացման նպատակով կառավարությունը առաջնահերթ հակահեղեղային միջոցառումներ է նախաձեռնել, մասնավորապես՝ Երևան-Գորիս-Մեղրի-Իրանի սահման միջպետական ավտոմայրուղու Արաքս գետի ափի շուրջ 40 կմ երկարությամբ հատվածում, Կապսի ջրամբարում և Բմբուլենց ու Մովրովի հեղեղատարներում:

Tert.am-ի հարցին, թե բավարա՞ր են այս միջոցառումները ջրհեղեղից խուսափելու համար, բնապահպան Կարինե Դանիելյանը պատասխանեց. «Ես ողջունում եմ այդ միջոցառումները, բայց դրանք հատվածային որոշումներ են, իսկ մենք ամբողջ հանրապետություն, հատկապես Երևանում խնդիր ունենք»:

«Մաքուր Հայաստան» ծրագիր. Մայիսի 27-ին` համապետական շաբաթօրյակ «Ինչպես է բացասական կարծիքը վերածվել դրականի, ես պատկերացում չունեմ». Կարինե Դանիելյանը՝ Ամուլսարի ծրագրի մասին Բնասիրական դիմակահանդես՝ Սիրահարների այգում. սպասվում են անակնկալներ (տեսանյութ) ՀՀ սողանքային աղետի կառավարման պլանն արժանացավ հավանության Ցավոք, մեր հասարակությունը կենդանիների նկատմամբ ունի առարկայական վերաբերմունք. բնապահպան Կարինե Փանոսյան «Անիմալիքս» խորագրով ցուցահանդես՝ Երևանի Կենդանաբանական այգում «Մոնթե Մելքոնյանի» անվան ռազմամարզական վարժարանի տարածքում օձ են բռնել Գյուղացի երեխան այնքան է տեսել սպանվող կենդանի, որ նրա զգացմունքները բթացել են. բնապահպան Քննարկվել է վտանգավոր թափոնների պահեստավորման և կառավարման ազգային կենտրոնի ստեղծման ծրագիրը Երևանում մեկնարկում է «Արևորդի» բնապահպանական փառատոնը Կենդանիների սպանդ պետական մակարդակով. Պատասխանատուն Ազգային Ժողովն է «Նկարվիր ընձառյուծի հետ». նոր բնապահպանական տեղեկատվական արշավ Ինչ է կատարվում «Շիկահող» արգելոցի և «Արցախանտառի» սահմանագլխին Նուբարաշենից մինչև Հրազդան գետ. Ջրերը վարակման վտանգի տակ են Պաշտոնանկ են արվել «Դիլիջան» ազգային պարկի տնօրենի տեղակալները և Բնապահպանական պետական տեսչության Տավուշի տարածքային բաժնի պետը Համաշխարհային Բանկից վերցրած վարկերի մի մասը գրպանվում է, մյուս մասն էլ անտեղի մսխվում. Արուսյակ Այվազյան
Եղանակի տեսություն
Օրացույց
Մենք Facebook-ում