Ջերմուկի վարչական տարածքում` նոր բաց հանք

ԷկոԼուր

Ջերմուկի վարչական տարածքում «Արսքար» ՍՊԸ-ն մտադիր է շահագործել Ջերմուկի բազալտի հանքը:

Ըստ ներկայացված հայտի` «Ջերմուկի բազալտի հանքավայրի տարածքը դուրս է «Ջերմուկ» ջրաբանական և «Հերհերի նոսրանտառային» պետական արգելավայրերի տարածքներից, հետևաբար, հանքավայրում իրականացվելիք օգտակար հանածոյի արդյունահանման աշխատանքները բացասաբար չեն անդրադառնա բնության հատուկ պահպանվող տարածքների էկոլոգիական հավասարակշռության վրա»:

Նշենք, որ Հայաստանի կառավարությունը ստեղծում է «Ջերմուկ» ազգային պարկ՝ միավորելով «Հերհերի նոսրանտառային», «Ջերմուկի անտառային» և «Ջերմուկ» ջրաբանական արգելավայրերը: Ազգային պարկի սահմանները դեռ հստակեցված չեն, և դեռ պարզ չէ՝ ինչ հեռավորության վրա այն կգտնվի շահագործման պատրաստվող հանքերից: «Հենց սկսենք «Ջերմուկ» ազգային պարկի ստեղծման աշխատանքները, առաջին գործողությունը քարետզագրումն է լինելու»,- ասաց ՀՀ բնապահպանության նախարար Արծվիկ Մինասյանը` նշելով, որ բնության հատուկ պահպանվող տարածքների շրջակայքում ցանկացած նախաձեռնություն, շրջակա միջավայրի ազդեցության փորձաքննության կանոնների համաձայն, ենթակա է մանրամասն ուսումնասիրության:

Ջերմուկի բազալտի հանքավայրի շրջանում հանդիպում է ողնաշարավոր կենդանիների ավելի քան 220 տեսակ, այդ թվում` ՀՀ Կարմիր գրքում գրանցված: Կան բեզոարյան այծ, գորշ արջ, լուսան, գայլ, աղվես, կզաքիս, անտառային կատու, քարակաքավ, բազմաթիվ ճնճղուկազգիներ, ձկներից՝ կարմրախայտ, կողակ: Շատ են սողունները: Ըստ հայտի` բուսական և կենդանական աշխարհի վրա հանքի շահագործման ազդեցությունը գրեթե զրոյական է:

Հանքավայրի պաշարները հաշվարկված են 1304.5հազ.մ3, բացահանքի տարեկան արտադրողականություն ընդունված է 3000մ3: Բացահանքի օտարման տարածքը շուրջ 1.0 հա է:
Ջերմուկի բազալտի հանքավայրի արդյունահանման նախնական գնահատման հայտի հանրային լսումները (2-րդ հանրային լսում) նախատեսված են ս.թ. փետրվարի 20-ին՝ ժամը 12.00-ին, ՀՀ Վայոց ձորի մարզի Ջերմուկի քաղաքապետարանում:

«Արսքար» ՍՊԸ-ի հիմնադիրը Անաստաս Արսենյանն է:

«Մաքուր Հայաստան» ծրագիր. Մայիսի 27-ին` համապետական շաբաթօրյակ «Ինչպես է բացասական կարծիքը վերածվել դրականի, ես պատկերացում չունեմ». Կարինե Դանիելյանը՝ Ամուլսարի ծրագրի մասին Բնասիրական դիմակահանդես՝ Սիրահարների այգում. սպասվում են անակնկալներ (տեսանյութ) ՀՀ սողանքային աղետի կառավարման պլանն արժանացավ հավանության Ցավոք, մեր հասարակությունը կենդանիների նկատմամբ ունի առարկայական վերաբերմունք. բնապահպան Կարինե Փանոսյան «Անիմալիքս» խորագրով ցուցահանդես՝ Երևանի Կենդանաբանական այգում «Մոնթե Մելքոնյանի» անվան ռազմամարզական վարժարանի տարածքում օձ են բռնել Գյուղացի երեխան այնքան է տեսել սպանվող կենդանի, որ նրա զգացմունքները բթացել են. բնապահպան Քննարկվել է վտանգավոր թափոնների պահեստավորման և կառավարման ազգային կենտրոնի ստեղծման ծրագիրը Երևանում մեկնարկում է «Արևորդի» բնապահպանական փառատոնը Կենդանիների սպանդ պետական մակարդակով. Պատասխանատուն Ազգային Ժողովն է «Նկարվիր ընձառյուծի հետ». նոր բնապահպանական տեղեկատվական արշավ Ինչ է կատարվում «Շիկահող» արգելոցի և «Արցախանտառի» սահմանագլխին Նուբարաշենից մինչև Հրազդան գետ. Ջրերը վարակման վտանգի տակ են Պաշտոնանկ են արվել «Դիլիջան» ազգային պարկի տնօրենի տեղակալները և Բնապահպանական պետական տեսչության Տավուշի տարածքային բաժնի պետը Համաշխարհային Բանկից վերցրած վարկերի մի մասը գրպանվում է, մյուս մասն էլ անտեղի մսխվում. Արուսյակ Այվազյան
Եղանակի տեսություն
Օրացույց
Մենք Facebook-ում